قايرات ساتىبالدىۇلىنىڭ بۇرىنعى جۇبايى گۇلميرا ساتىبالدىعا قاتىستى ءىستىڭ ءمان-جايى بەلگىلى بولدى، دەپ حابارلايدى “ادىرنا” ۇلتتىق پورتالى سىبايلاس جەمقورلىققا قارسى قىزمەتتىڭ مالىمدەمەسىنە سۇيەنىپ.
"شىمكەنت قالاسىنىڭ سىبايلاس جەمقورلىققا قارسى قىزمەتى "شىمكەنت قالاسىنىڭ جولاۋشىلار كولىگى جانە اۆتوموبيل جولدارى باسقارماسى" مم لاۋازىمدى تۇلعالارى مەن "اريا-جاڭا استانا" جشس باسشىلىعىنا، ونىڭ ىشىندە گۇلميرا ساتىبالدىعا قاتىستى 2021 جىلى ناقتى ورىندالماعان قۇرىلىس-مونتاجداۋ جۇمىستارى ءۇشىن اسا ءىرى مولشەردە (747 ميلليون تەڭگە) بيۋدجەت قاراجاتىن جىمقىرۋ دەرەگى بويىنشا سوتالدى تەرگەۋ جۇرگىزىپ جاتىر", - دەلىنگەن حابارلامادا.
وزگە اقپارات تەرگەۋ مۇددەسىنە سايكەس جاريا ەتۋگە جاتپايدى.
ەسكە سالايىق، بۇعان دەيىن گۇلميرا ساتىبالدىعا قاتىستى بيزنەستى رەيدەرلىك باسىپ الۋ دەرەگى بويىنشا سوتالدى تەرگەۋ باستالعانى حابارلانعان بولاتىن. ول 2 ايعا قاماۋعا الىنعان ەدى.
“ادىرنا” ۇلتتىق پورتالى
