استانا قالالىق سوتىندا قايرات نۇرتاسقا قاتىستى اكىمشىلىك قۇقىقبۇزۋشىلىق تۋرالى ءىس اپەللياتسيالىق تارتىپپەن قارالدى. سوت شەشىمى وزگەرىسسىز قالدى، دەپ حابارلايدى “ادىرنا” ۇلتتىق پورتالى.
بۇعان دەيىن اكىمشىلىك قۇقىقبۇزۋشىلىقتار جونىندەگى مامانداندىرىلعان اۋدانارالىق سوتتىڭ قاۋلىسىمەن قايرات ايداربەكوۆ ۇساق بۇزاقىلىق جاساعانى ءۇشىن 15 تاۋلىك مەرزىمگە اكىمشىلىك قاماۋعا الىنعان بولاتىن.
ء"بىرىنشى ساتىداعى سوت قايرات ايداربەكوۆتىڭ ۇشاقتىڭ ىشىندە جانجالداسۋ كەزىندە ازامات ب.-عا قول جۇمساپ، ونىڭ دەنساۋلىعىنا جەڭىل زيان كەلتىرىپ، توبەلەس كەزىندە بالاعات سوزدەر ايتقانىن انىقتادى. قۇقىقبۇزۋشىنىڭ ادۆوكاتى قاۋلىمەن كەلىسپەي، 434-باپتىڭ 2-بولىگى بويىنشا شاعىمدانىپ، سوتتان ءىس جۇرگىزۋدى توقتاتۋدى سۇرادى", - دەپ جازىلعان مالىمەتتە.
الايدا سوت مالىمەتىنشە، قاۋلىنىڭ كۇشىن جويۋ ءۇشىن سەبەپ انىقتالماعاندىقتان، اپەللياتسيانىڭ 9 شىلدەدەگى قاۋلىسىمەن ءبىرىنشى ساتىداعى سوتتىڭ سوت اكتىسى وزگەرىسسىز قالعان.
ايتا كەتسەك، ءانشى الماتىدان استاناعا ۇشاتىن ۇشاقتىڭ بورتىندا جولاۋشىنى سوققىعا جىعىپ، ۇستالعان ەدى.
