اقتوبە وبلىسىنىڭ بۇرىنعى اكىمى ەرمەك يمانتاەۆ مەملەكەتتەن 199 ملن جىمقىرعانى ءۇشىن سەگىز جىلعا باس بوستاندىعىنان ايىرىلدى، دەپ حابارلايدى «ادىرنا» ۇلتتىق پورتالى قازتاگ سايتىنا سىلتەمە جاساپ.
سوت ۇكىمى بويىنشا، ە. يمانتاەۆ ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلىپ، 8 جىل مەرزىمگە باس بوستاندىعىنان ايىرىلدى.
«ازاماتتىق تالاپ قاناعاتتاندىرىلىپ، سوتتالۋشىدان مەملەكەت ەسەبىندە 199,4 ملن تەڭگە وندىرىلەدى»، - دەپ حابارلادى اقتوبە قالالىق №2 سوتىنىڭ ءباسپاسوز قىزمەتى.
يمانتاەۆقا مەملەكەتتىڭ مۇلكىن زاڭسىز ساتىپ جىبەرگەن دەگەن ايىپپەن جاۋاپقا تارتىلدى (قر قك 189-بابى).
«يمانتاەۆ ە. اقتوبەدەگى «اكك» باسقارما توراعاسى بولا تۇرا، «سادوۆوە» تۇرعىن الابىنداعى 24 گا جەر تەلىمىن 10 ەسە تومەندەتىلگەن باعامەن زاڭسىز ساتتى. سوتتالۋشى جەر تەلىمىنىڭ نارىقتىق قۇنىن ادەيى 20 ملن-عا دەيىن تومەندەتىپ، جالعان مالىمەتتەر بەرە وتىرىپ، يەلىكتەن شىعارىلعان جەر ءۇشىن تولەمنىڭ جوقتىعىنا قاراماستان، جالعان ساتىپ الۋشى س.-مەن زاڭسىز ساتىپ الۋ-ساتۋ شارتىن جاساسقان»، - دەلىندى سوتتا.
سونداي-اق جەر تەلىمى «جەكە تۇرعىن ءۇي قۇرىلىسىنان» «كوپقاباتتى تۇرعىن ءۇي قۇرىلىسىنا» وزگەرتكەن تۇلعا س.-عا قايتا راسىمدەلگەنى كورسەتىلگەن.
«17,2 گا جەردىڭ ءبىر بولىگى شاعىن اۋداننىڭ ءتورت جەر ۋچاسكەسىنە ايىرباستالدى. باتىس-3, تۇرعىن ءۇي سالۋشىلارعا ودان ءارى ساتۋ ءۇشىن. ە.يمانتاەۆتىڭ نۇسقاۋى بويىنشا جوعارىدا كورسەتىلگەن جەر ۋچاسكەلەرىنەن س. ءۇشىن باتىس-3 شاعىن اۋدانىنداعى ءۇش ۋچاسكە جانە اۋدانى 23 گا «سادوۆوە» تۇرعىن الابىنداعى جەردىڭ قالعان بولىگى ك ءۇشىنشى تۇلعاعا قايتا رەسىمدەلگەن»، - دەپ مالىمدەلدى سوتتا.
وسىلايشا، بۇرىنعى اكىم اكتسيونەرلىك قوعام اتىنان مەملەكەتكە اسا ءىرى كولەمدە 199,4 ميلليون تەڭگە شىعىن كەلتىرگەن.
ايتا كەتەيىك، يمانتاەۆ 2002-2004 جىلدار ارالىعىندا وبلىس اكىمى قىزمەتىن اتقارعان. 2004 جىلى ول قىزمەتىنەن كەتىپ، 2019 جىلدىڭ 20 قاراشاسىندا «اقتوبە» اكك باسقارما توراعاسى بولىپ، 2021 جىلدىڭ ناۋرىزىندا قىزمەتتەن كەتكەن. وسى جىلدىڭ اقپان ايىندا ەرمەك يمانتاەۆ قىزمەتتىك وكىلەتتىگىن اسىرا پايدالاندى دەگەن ايىپپەن قاماۋعا الىنعان.
«ادىرنا» ۇلتتىق پورتالى
