Qaırat Satybaldyulynyń burynǵy jubaıy Gúlmıra Satybaldyǵa qatysty istiń mán-jaıy belgili boldy, dep habarlaıdy “Adyrna” ulttyq portaly sybaılas jemqorlyqqa qarsy qyzmettiń málimdemesine súıenip.
"Shymkent qalasynyń sybaılas jemqorlyqqa qarsy qyzmeti "Shymkent qalasynyń jolaýshylar kóligi jáne avtomobıl joldary basqarmasy" MM laýazymdy tulǵalary men "Arııa-Jańa Astana" JShS basshylyǵyna, onyń ishinde Gúlmıra Satybaldyǵa qatysty 2021 jyly naqty oryndalmaǵan qurylys-montajdaý jumystary úshin asa iri mólsherde (747 mıllıon teńge) bıýdjet qarajatyn jymqyrý deregi boıynsha sotaldy tergeý júrgizip jatyr", - delingen habarlamada.
Ózge aqparat tergeý múddesine sáıkes jarııa etýge jatpaıdy.
Eske salaıyq, buǵan deıin Gúlmıra Satybaldyǵa qatysty bıznesti reıderlik basyp alý deregi boıynsha sotaldy tergeý bastalǵany habarlanǵan bolatyn. Ol 2 aıǵa qamaýǵa alynǵan edi.
“Adyrna” ulttyq portaly
