ايتاتۇعىن اۋزىنان ءسوزى قاشىپ،
بوزبالا تۇر، ءوزى اڭقاۋ، ءوزى عاشىق.
قاقپا الدىندا قوناققا ەتى ۇيرەنگەن،
قارا توبەت قارايدى اۋزىن اشىپ...
(قادىر)
بۇل سۋرەتتى اتى اڭىزعا اينالعان ءفوتوتىلشى بولات وماراليەۆ ون سەگىز جاسىندا تۇسىرگەن. شىرت ەتكىزگەنى شەدەۆر بوپ شىعاتىن بوكەڭنىڭ وسى دۇنيەسى دە وتە قۇندى. جالقىن كۇن، باتقان نۇر، ءبىر ساتكە جۋاسىپ، بوزبالا مەن بويجەتكەننىڭ ادەمى اڭگىمەسىنە قۇلاق تۇرگەن ءور وزەن... ءبىر-بىرىنە ەكى مەتر جەردەن ءتىل قاتىپ تۇرعان قوس مۇڭلىقتى قاراسايشى... سەزىمنىڭ سۇلۋ، اردىڭ اسقاق، ويدىڭ تۇنىق، مىنەزدىڭ ءىرى، ۇياتتىڭ ءتىرى كەزى...
جالعىز كادر - تۇتاس ءداۋىر!
ءبىتىمى بولەك بولات اعا!
باۋىرجان ومارۇلى
