شىمكەنت قالاسىنداعى جاستار رەسۋرستىق ورتالىعىنىڭ جۇمىسىن جەتىلدىرۋ ءۇشىن 5 باعىت بويىنشا جۇمىس جۇرگىزىلەتىن بولادى. بۇل تۋرالى قالالىق ىشكى ساياسات جانە جاستار ىستەرى جونىندەگى باسقارماسىنىڭ باسشىسى م.شوتانوۆ قالا اكىمىنە جاستار رەسۋرستىق ورتالىقتارىمەن اتقارىلعان جۇمىستار جايىن بايانداۋ بارىسىندا ايتتى.
«ءبىرىنشى جاستاردى الەۋمەتتىك قىزمەتتەرمەن قامتۋ - وعان 45 مىڭعا جۋىق جاستى قامتۋ كوزدەلۋدە. ەكىنشى 93 مىڭنان استام جاستى ۆولونتەرلىك قىزمەتكە تارتۋ بولسا، ءۇشىنشى ەلدىڭ قوعامدىق ساياسي ومىرىنە ايەلدەردىڭ ءرولىن ارتتىرۋ ءۇشىن 30 ءىس-شارا وتكىزۋ جوسپارلانۋدا. ال، ءتورتىنشى وقىمايتىن جانە جۇمىسپەن قامتىلماعان جاستار سانىن ازايتۋ، بەسىنشى «جاسىل ەل» جوباسىنا جاستاردى تارتۋ»،-ەكەنىن ايتقان باسقارما باسشىسى وسى بويىنشا جۇيەلى جۇمىستار اتقارىلاتىنىن اتاپ ءوتتى.
وسى جىلدىڭ ءبىرىنشى توقسانىندا قالادا 25 قوعامدىق، 12 قايىرىمدىلىق، 44 اقپاراتتىق ءىس-شارالار ۇيىمداستىرىلىپ، وعان 7 مىڭعا جۋىق جاس تارتىلعان بولسا، ۆولونتەرلىك ۇيىمدار مەن مەكتەپتەر اراسىنداعى بەكىتىلگەن جوسپارعا سايكەس 62 ءىس-شارا ۇيىمداستىرىلىپ، ول ءىس-شارالارعا 13 مىڭ شاماسىندا جاس قامتىلعان.
بايانداماشى جۇمىس ىستەمەيتىن NEET ساناتىنداعى جاستاردىڭ ۇلەسى وتكەن جىلدىڭ قورىتىندىسى بويىنشا 6,7 پايىزعا تومەندەگەنىن، 2022 جىلى بۇل كورسەتكىشتى 6,5 پايىزعا ءتۇسىرۋ بويىنشا جۇمىستار جۇرگىزىلەتىنىن ايتىپ، جىل باسىنان 2066 جاس جۇمىسپەن قامتىلعانىن ءمالىم ەتتى.
جيىن سوڭىندا ءسوز العان قالا اكىمى مۇرات ايتەنوۆ ەلىمىزدە بىرنەشە جىلدان بەرى جۇزەگە اسىرىلىپ كەلەتىن - جاستاردى قولداۋ، ولارعا كاسىبي ءبىلىم بەرۋ، جۇمىسپەن قامتۋ سەكىلدى باعدارلامالاردى كەڭىنەن ءتۇسىندىرۋدى تاپسىردى. سونىمەن بىرگە مەگاپوليس جاستارىنىڭ قولىنان كوپ ءىس كەلەتىن ەڭبەكقور جاندار ەكەنىن ايتىپ، جۇمىسسىز جاستاردى تەرەڭ زەردەلەپ، ولارعا ماماندىق بويىنشا دۇرىس باعىت-باعدار بەرۋ جۇمىسىن جانداندىرۋدى جۇكتەدى.
