وڭتۇستىك كاۆكازدا جىلدار بويى باسىپ الۋ ساياساتىن جالعاستىرعان ارمەنيا قازىر رەسەيدىڭ ۋكرايناعا باسىپ كىرۋىنە قولداۋ كورسەتۋدە. ارمەنيا ءوزىنىڭ جاۋىنگەرلىك ۇشاقتارى مەن ۇشقىشتارىن رەسەي ارمياسى جاعىندا سوعىسۋعا جىبەردى، دەپ حابارلايدى "ادىرنا" ۇلتتىق پورتالى.
ارمەنيا رەسەيگە ارنايى دايىندالعان ۇشقىشتارىمەن بىرگە ءتورت سۋ-30 جويعىش ۇشاعىن تاپسىردى. بۇل تۋرالى تۇركيانىڭ Haber Global تەلەارناسى بارلاۋ دەرەكتەرىنە سىلتەمە جاساپ حابارلادى.
ءتورت سۋ-30 جويعىش ۇشاعى 25 ناۋرىزدا ارمەنيادان شىعىپ، «ۋكراينادا پايدالانۋ ءۇشىن» رەسەيگە بەت الدى. ونىڭ ۇستىنە رەسەيلىك جويعىش ۇشاقتاردى ارنايى دايىندالعان ارميان ۇشقىشتارى باسقارادى.
ارمەنيا F-14 جانە F-15 جويعىشتارىنا باسەكەلەس بولىپ تابىلاتىن 4 سۋ-30 ۇشاعىن ساتىپ الدى. پەرسپەكتيۆالى كوپ ماقساتتى جاۋىنگەرلىك ۇشاقتاردى جەتكىزۋ 2020 جىلدىڭ مامىر ايىندا جۇزەگە اسىرىلدى. ەكىنشى قاراباق سوعىسى كەزىندە ارمەنيا ارمياسى رەسەيلىك ۇشاقتاردى پايدالانا المادى، ويتكەنى ولارعا زىمىراندار بۇيىرماعان.
ەندى ارميان ۇشقىشتارىمەن بىرگە بۇل ۇشاقتار رەسەيگە بەرىلدى. ۋكراينادا كوپتەگەن جەكە قۇرامى مەن اسكەري تەحنيكاسىنان ايىرىلعان رەسەي رەسەي بىتىمگەرشىلىك كۇشتەرىنىڭ ءبىر بولىگىن قاراباقتان شىعارىپ، ۋكرايناعا جىبەردى.
ارمەنيا دا سيريالىق جاۋىنگەرلەردى ۋكرايناعا اپاراتىن نەگىزگى باعىت بولىپ تابىلادى. اسادتىڭ جالدامالى اسكەرلەرى ارمەنياداعى ەرەبۋني اۋە بازاسىندا جينالىپ، سول جەردەن سولتۇستىك وسەتيانىڭ موزدوك قالاسىنا بەت الادى. ودان كەيىن ولاردى رەسەي سولداتتارىمەن بىرگە ۋكرايناعا جىبەرەدى.
رەسەي تاياۋ شىعىستان ۋكرايناعا اسكەر جىبەرەتىنىن رەسمي تۇردە مالىمدەدى. پروتسەسس قازىردىڭ وزىندە ءجۇرىپ جاتىر.
25 ناۋرىزدا يل-76 ۇلگىسىندەگى تاعى 2 اسكەري-كولىك ۇشاعى سيريادان ۇشىپ، يران مەن كاسپي تەڭىزىنىڭ بەيتاراپ اۋماعى ارقىلى رەسەيگە بەت الدى.
"ادىرنا" ۇلتتىق پورتالى
