Ońtústik Kavkazda jyldar boıy basyp alý saıasatyn jalǵastyrǵan Armenııa qazir Reseıdiń Ýkraınaǵa basyp kirýine qoldaý kórsetýde. Armenııa óziniń jaýyngerlik ushaqtary men ushqyshtaryn Reseı armııasy jaǵynda soǵysýǵa jiberdi, dep habarlaıdy "Adyrna" ulttyq portaly.
Armenııa Reseıge arnaıy daıyndalǵan ushqyshtarymen birge tórt Sý-30 joıǵysh ushaǵyn tapsyrdy. Bul týraly Túrkııanyń Haber Global telearnasy barlaý derekterine silteme jasap habarlady.
Tórt Sý-30 joıǵysh ushaǵy 25 naýryzda Armenııadan shyǵyp, «Ýkraınada paıdalaný úshin» Reseıge bet aldy. Onyń ústine reseılik joıǵysh ushaqtardy arnaıy daıyndalǵan armıan ushqyshtary basqarady.
Armenııa F-14 jáne F-15 joıǵyshtaryna básekeles bolyp tabylatyn 4 Sý-30 ushaǵyn satyp aldy. Perspektıvaly kóp maqsatty jaýyngerlik ushaqtardy jetkizý 2020 jyldyń mamyr aıynda júzege asyryldy. Ekinshi Qarabaq soǵysy kezinde Armenııa armııasy reseılik ushaqtardy paıdalana almady, óıtkeni olarǵa zymyrandar buıyrmaǵan.
Endi armıan ushqyshtarymen birge bul ushaqtar Reseıge berildi. Ýkraınada kóptegen jeke quramy men áskerı tehnıkasynan aıyrylǵan Reseı Reseı bitimgershilik kúshteriniń bir bóligin Qarabaqtan shyǵaryp, Ýkraınaǵa jiberdi.
Armenııa da sırııalyq jaýyngerlerdi Ýkraınaǵa aparatyn negizgi baǵyt bolyp tabylady. Asadtyń jaldamaly áskerleri Armenııadaǵy Erebýnı áýe bazasynda jınalyp, sol jerden Soltústik Osetııanyń Mozdok qalasyna bet alady. Odan keıin olardy Reseı soldattarymen birge Ýkraınaǵa jiberedi.
Reseı Taıaý Shyǵystan Ýkraınaǵa ásker jiberetinin resmı túrde málimdedi. Proess qazirdiń ózinde júrip jatyr.
25 naýryzda Il-76 úlgisindegi taǵy 2 áskerı-kólik ushaǵy Sırııadan ushyp, Iran men Kaspıı teńiziniń beıtarap aýmaǵy arqyly Reseıge bet aldy.
"Adyrna" ulttyq portaly
