ەكىباستۇزدا جۇمىسشى 20 مەتر بيىكتىكتەن قۇلاپ قايتىس بولدى

2443
Adyrna.kz Telegram

ەكىباستۇزدا كاسىپورىنداردىڭ بىرىندە جۇمىسشى دانەكەرلەۋ جۇمىستارى كەزىندە 20 مەتردەن كوپ بيىكتىكتەن قۇلاپ، مەرت بولدى. قازىر ونىڭ ءولىمىنىڭ ءمان-جايى انىقتالۋدا، - دەپ حابارلايدى "ادىرنا" سايتى.

پاۆلودار وبلىسىنىڭ پوليتسيا دەپارتامەنتى ءباسپاسوز قىزمەتىنىڭ حابارلاۋىنشا، قايعىلى وقيعا 25 ناۋرىز كۇنى ساعات 23.00-دە ەكىباستۇز كاسىپورنىنىڭ وندىرىستىك تسەحىندا بولعان.

"بلوكتاردىڭ ءبىرىنىڭ سورۋ قازاندىعىنىڭ قۇبىرىنا جوندەۋ جۇمىستارىن جۇرگىزۋ كەزىندە 36 جاستاعى گاز-ەلەكتر دانەكەرلەۋشىسى 74 مەتردەن 51 مەترگە قۇلاپ كەتكەن. ەر ادام العان جاراقاتتارىنان وقيعا ورنىندا كوز جۇمدى. سوت-مەديتسينالىق ساراپتاماسىنا تاپسىرىس بەرىلدى»، - دەدى مينيسترلىكتىڭ ءباسپاسوز قىزمەتى.

وندىرىستەگى ادام ولىمىنە اكەپ سوقتىرعان جازاتايىم وقيعانى وبلىستىق ەڭبەك باسقارماسى دا تەكسەرۋگە كىرىستى. مۇندا ولار ءىستىڭ ءمان-جايىن انىقتاپ، بولعان وقيعانىڭ سەبەپتەرىن انىقتايتىن ارنايى كوميسسيا قۇرۋعا دايىندالىپ جاتىر.

سونىمەن قاتار، ءدال وسى كۇنى پاۆلوداردا ساعات 01.00-دە اكتسيونەرلىك قوعامداردىڭ ءبىرىنىڭ وندىرىستىك تسەحىندا 45 جاستاعى دانەكەرلەۋشى ​​زارداپ شەكتى. دانەكەرلەۋ جۇمىستارىن ورىنداپ جاتقان كەزدە ەر ادامنىڭ ۇستىنە بەتون تاقتايشانىڭ مەتالل كوزى ءتۇسىپ كەتكەن. جابىرلەنۋشى باس جاراقاتىمەن اۋرۋحاناعا جەتكىزىلدى.

پاۆلودارداعى ساۋدا ۇيلەرىنىڭ بىرىندە تاعى ءبىر جۇمىسشى زارداپ شەكتى. 28 جاستاعى شەبەر جۇمىستى اياقتاپ جاتقان كەزدە باسپالداقتان قۇلاپ كەتكەن. ەر ادام اۋرۋحاناعا جاتقىزىلدى.

"ادىرنا" ۇلتتىق پورتالى

پىكىرلەر