ارمان شوراەۆ قازاقتاردى "ۇلتشىلدار" دەپ كىنالايتىندارعا جاۋاپ بەردى (ۆيدەو)

11835
Adyrna.kz Telegram

قوعام قايراتكەرى ءارى كاسىپكەر ارمان شوراەۆ بەلگىلى مەديا مەنەدجەر ارمانجان بايتاسوۆتىڭ Baitassov LIVE Youtube ارناسىنا بەرگەن سۇحباتىندا قازاقتاردى "ۇلتشىلدار" دەپ كىنالايتىندارعا جاۋاپ بەردى. بۇل تۋرالى "ادىرنا" ۇلتتىق پورتالى جازادى.

"ولار بىزدە ۇلتشىلدار بار دەيدى. كەشىرىڭىز، رەسەي ازاماتتىعىن الۋ ءۇشىن ءسىز ورىس تىلىنەن ەمتيحان تاپسىرۋىڭىز كەرەك. قازاقستاندا مۇنداي جوق قوي. ءالى كۇنگە دەيىن بۇل تالاپ قويىلمادى. سونىمەن ءبىزدىڭ قايسىمىز كوبىرەك ۇلتشىل ەكەنبىز؟ لاتۆيادا دا لاتۆيا ازاماتىنىڭ جانە ازاماتتىعى جوق ادامنىڭ تولقۇجاتى بار. ياعني، لاتۆيا ازاماتى اتانۋ ءۇشىن لاتىش تىلىنەن ەمتيحان تاپسىرۋ قاجەت. ەگەر لاتۆيانىڭ تاريحىن بىلمەسەڭ، لاتۆيا ازاماتىنىڭ تولقۇجاتىن الا المايسىڭ. بىزدە ونداي جوق. سوندىقتان، مەنىڭ ويىمشا، بۇل ايىپتاۋلاردىڭ ءبارى نەگىزسىز", - دەدى ارمان شوراەۆ.

ونىڭ ايتۋىنشا، ەلىمىزدەگى بارلىق ەتنوس وكىلدەرىن تەك قازاق ءتىلى بىرىكتىرەدى.

ء"بىزدى تەك وتە ادەمى، كوركەم ءارى باي ءتىل - قازاق ءتىلى عانا بىرىكتىرە الادى. مەنىڭ ىشىمدە ءبىر ەمەس ەكى ادام بار. مەن قازاق ءتىلىن جەتىك بىلەمىن، تاريحىمدى تانيمىن جانە ونىمەن ماقتانامىن. ەلىمىزدە تۇراتىن كەز كەلگەن ادام، كەز كەلگەن ۇلت وكىلى ونى ۇيرەنە الادى دەپ ويلايمىن. ەگەر ول قازاق ءتىلىن جەتىك مەڭگەرسە، قازاق بۇل كىسىنى ەڭ قۇرمەتتى ورىندارعا وتىرعىزاتىن بولادى. وعان ەڭ ءدامدى دەگەن تاعامداردى ۇسىنىپ، سىي كورسەتەدى. سوندىقتان، مەن بۇل جەردە ارتىقشىلىقتاردان باسقا، ەشقانداي كەمشىلىك كورىپ تۇرعانىم جوق", - دەپ مالىمدەدى قوعام قايراتكەرى.

 

"ادىرنا" ۇلتتىق پورتالى 

پىكىرلەر