قاراعاندى وبلىسىنىڭ اباي قالاسىندا ناۋرىز مەرەكەسىن تويلاۋ كەزىندە بالاباقشا تاربيەشىسىنىڭ بالالاردى ۇرىپ-سوققانى ۆيدەوعا ءتۇسىپ قالدى، دەپ حابارلايدى "ادىرنا" ۇلتتىق پورتالى.
«اباي قالاسىنداعى «ادەمى» بالاباقشاسىندا كەلەڭسىز وقيعا ورىن الدى. ۆيدەوعا تاربيەشىنىڭ توپتاعى بالالاردى جەلكەسىنەن ۇرىپ جاتقان ءساتى ءتۇسىپ قالدى. بالالاردىڭ اتا-انالارى بولعان وقيعانى جاريا ەتۋدى ۇيعاردى. تاربيەشىنىڭ ۇلتتىق كوستيۋم كيگەنىنە قاراعاندا، وقيعا ناۋرىز مەيرامىن تويلاۋ كەزىندە ورىن العان»، - دەلىنگەن حاباردا.
اباي اۋدانىنىڭ ءبىلىم ءبولىمى تەكسەرىس باستالعانىن حابارلادى.
"ادەمى" بالاباقشاسى جەكە مەنشىك مەكتەپكە دەيىنگى مەكەمە جانە اباي اۋدانىنىڭ ءبىلىم بولىمىنە باعىنىشتى ەمەس. جەكە مەنشىك باقشا 2021 جىلدىڭ اقپان ايىندا اشىلدى، 550 ورىنعا ەسەپتەلگەن. اتالعان فاكتى بويىنشا كوميسسيا قۇرىلىپ، قاراۋ قورىتىندىسى بويىنشا قاجەتتى شارالار قابىلداناتىن بولادى", - دەپ مالىمدەدى ءبىلىم ءبولىمى.
ۆيدەوعا پوليتسيا دا نازار اۋداردى.
"جاريالاۋ فاكتىسى بويىنشا قازىرگى ۋاقىتتا جابىرلەنۋشىلەردى جانە بولعان وقيعانىڭ ءمان - جايلارىن انىقتاۋ بويىنشا ءىس-شارالار جۇرگىزىلۋدە", - دەپ حابارلادى قاراعاندى وبلىسى پوليتسيا دەپارتامەنتىنىڭ ءباسپاسوز قىزمەتى.
"ادىرنا" ۇلتتىق پورتالى
