الماتى قالاسى اكىمدىگى مەن باسەكەلەستىكتى قورعاۋ جانە دامىتۋ اگەنتتىگى «الماتى قالا جارىق» شجق مكقك-نى كوممۋنالدىق مەنشىككە قايتارۋ بويىنشا بىرلەسكەن جۇمىس جۇرگىزدى، دەپ حابارلايدى “ادىرنا” ۇلتتىق پورتالى قالالىق اكىمدىك ءباسپاسوز قىزمەتىنە سىلتەمە جاساپ.
كاسىپورىن قالانىڭ سىرتقى جارىقتاندىرۋ جۇيەسىن اۆتوماتتاندىرىلعان جانە ورتالىقتاندىرىلعان باقىلاۋعا جاۋاپتى.
“2021 جىلدىڭ جەلتوقسان ايىنىڭ سوڭىندا الماتى قالاسى اكىمدىگىنىڭ قاۋلىسىمەن تەندەر ارقىلى «الماتى قالا جارىق» شجق مكك جۇزەگە اسىرىلدى. «ABM Group.com» جشس جەڭىمپاز دەپ تانىلدى. مامىلە 4,6 ملرد تەڭگەنى قۇرادى، بولجامدى قۇنى 14,8 ملرد تەڭگە. باسەكەلەستىكتى قورعاۋ جانە دامىتۋ اگەنتتىگىنىڭ دەپارتامەنتى 2020-2021 جىلدارعا ارنالعان قالانىڭ سىرتقى جارىقتاندىرۋ جۇيەلەرىن اۆتوماتتاندىرىلعان جانە ورتالىقتاندىرىلعان باسقارۋدى ۇسىنۋ بويىنشا قىزمەتتەردى كورسەتۋ نارىعىنداعى باسەكەلەستىك جاعدايىنا تالداۋ جۇرگىزدى. بۇل ۇيىمنىڭ مونوپوليالىق جاعدايعا يە ەكەندىگى انىقتالدى”، - دەپ مالىمدەدى الماتى قالاسى اكىمدىگى
قازاقستان رەسپۋبليكاسىنىڭ «مەملەكەتتىك مۇلىك تۋرالى» زاڭىنىڭ نورمالارىندا ۇستەم نەمەسە مونوپوليالىق جاعدايدى يەلەنەتىن نارىق سۋبەكتىلەرى بولىپ تابىلاتىن ۇيىمداردى جەكەشەلەندىرۋ تۋرالى شەشىم قابىلداۋ ەل ۇكىمەتىنىڭ قۇزىرەتىنە جاتادى دەپ كورسەتىلگەن.
«الماتى قالا جارىق» شجق مكقك-نى جەكەشەلەندىرۋ تۋرالى قاۋلىسى مەملەكەتتىك مۇلىك تۋرالى زاڭنامانىڭ نورمالارىنا قايشى كەلەدى جانە باسەكەلەستىكتى شەكتەيدى. «الماتى قالا جارىعىن» جەكەشەلەندىرۋ ستراتەگيالىق مەملەكەتتىك كاسىپورىندى جوعالتۋعا اكەلۋى مۇمكىن. وسىعان وراي، الماتى قالاسى اكىمدىگى باسەكەلەستىكتى قورعاۋ جانە دامىتۋ اگەنتتىگىنىڭ الماتى قالاسى بويىنشا دەپارتامەنتىنىڭ حابارلاماسى نەگىزىندە «الماتى قالا جارىعىن» جەكەشەلەندىرۋ تۋرالى شەشىمنىڭ كۇشىن جويۋ جونىندە شارالار قابىلداۋدا”، - دەدى اكىمدىك.
وسىعان بايلانىستى الماتى اكىمدىگى قازاقستان رەسپۋبليكاسى باسەكەلەستىكتى قورعاۋ جانە دامىتۋ اگەنتتىگىنىڭ الماتى قالاسى بويىنشا دەپارتامەنتىنىڭ حابارلاماسى نەگىزىندە "الماتى قالا جارىق" شجق مكك جەكەشەلەندىرۋ تۋرالى شەشىمنىڭ كۇشىن جويۋ شارالارىن قابىلداپ جاتىر.
“ادىرنا” ۇلتتىق پورتالى
