Almaty qalasy ákimdigi men Básekelestikti qorǵaý jáne damytý agenttigi «Almaty qala jaryq» ShJQ MKQK-ny kommýnaldyq menshikke qaıtarý boıynsha birlesken jumys júrgizdi, dep habarlaıdy “Adyrna” ulttyq portaly qalalyq ákimdik baspasóz qyzmetine silteme jasap.
Kásiporyn qalanyń syrtqy jaryqtandyrý júıesin avtomattandyrylǵan jáne ortalyqtandyrylǵan baqylaýǵa jaýapty.
“2021 jyldyń jeltoqsan aıynyń sońynda Almaty qalasy ákimdiginiń qaýlysymen tender arqyly «Almaty qala jaryq» ShJQ MKK júzege asyryldy. «ABM Group.com» JShS jeńimpaz dep tanyldy. Mámile 4,6 mlrd teńgeni qurady, boljamdy quny 14,8 mlrd teńge. Básekelestikti qorǵaý jáne damytý agenttiginiń departamenti 2020-2021 jyldarǵa arnalǵan qalanyń syrtqy jaryqtandyrý júıelerin avtomattandyrylǵan jáne ortalyqtandyrylǵan basqarýdy usyný boıynsha qyzmetterdi kórsetý naryǵyndaǵy básekelestik jaǵdaıyna taldaý júrgizdi. Bul uıymnyń monopolııalyq jaǵdaıǵa ıe ekendigi anyqtaldy”, - dep málimdedi Almaty qalasy ákimdigi
Qazaqstan Respýblıkasynyń «Memlekettik múlik týraly» Zańynyń normalarynda ústem nemese monopolııalyq jaǵdaıdy ıelenetin naryq sýbektileri bolyp tabylatyn uıymdardy jekeshelendirý týraly sheshim qabyldaý el Úkimetiniń quzyretine jatady dep kórsetilgen.
«Almaty qala jaryq» ShJQ MKQK-ny jekeshelendirý týraly qaýlysy memlekettik múlik týraly zańnamanyń normalaryna qaıshy keledi jáne básekelestikti shekteıdi. «Almaty qala jaryǵyn» jekeshelendirý strategııalyq memlekettik kásiporyndy joǵaltýǵa ákelýi múmkin. Osyǵan oraı, Almaty qalasy ákimdigi Básekelestikti qorǵaý jáne damytý agenttiginiń Almaty qalasy boıynsha departamentiniń habarlamasy negizinde «Almaty qala jaryǵyn» jekeshelendirý týraly sheshimniń kúshin joıý jóninde sharalar qabyldaýda”, - dedi ákimdik.
Osyǵan baılanysty Almaty ákimdigi Qazaqstan Respýblıkasy Básekelestikti qorǵaý jáne damytý Agenttiginiń Almaty qalasy boıynsha departamentiniń habarlamasy negizinde "Almaty qala jaryq" ShJQ MKK jekeshelendirý týraly sheshimniń kúshin joıý sharalaryn qabyldap jatyr.
“Adyrna” ulttyq portaly
