نازارباەۆ ۋنيۆەرسيتەتى بەس جىلعا مەملەكەتتىك بيۋدجەتتەن نىسانالى قارجىلاندىرۋ ءۇشىن 4,8 ملرد تەڭگە قارجى سۇراپ وتىر، دەپ حابارلايدى "ادىرنا" ۇلتتىق پورتالى.
قازتاگ اگەنتتىگىنىڭ حابارلاۋىنشا، "بيۋدجەتتىك باعدارلامالار بويىنشا شىعىنداردىڭ جالپى سوماسى مىناداي: 2020 جىلى – 1 572 512; 2021 جىل (اعىمداعى جىلدىڭ جوسپارى بويىنشا – رەد.) – 896 167; 2022 جىل ( بۇدان ءارى - جوسپارلى كەزەڭ – رەد.) – 787 308; 2023 جىل – 775 171; 2024 جىل – 754 756", - دەلىنگەن 18 ناۋرىزداعى بيۋدجەتتىك باعدارلاما جوباسىندا.
وسىلايشا، نازارباەۆ ۋنيۆەرسيتەتى 5 جىلعا ارنالعان نىسانالى قارجىلاندىرۋ ءۇشىن بيۋدجەتتەن 4 785 914 000 تەڭگەدەن استام قارجى ءبولۋدى سۇرايدى.
قۇجاتتا قارجى "تەحنولوگيا ترانسفەرتىنىڭ شىعىندارىن جابۋعا" باعىتتالادى دەلىنگەن.
«ماقساتى: ءبىلىم بەرۋ قىزمەتىن، ونىڭ ىشىندە قوسىمشا ءبىلىم بەرۋدى، عىلىمي جانە (نەمەسە) عىلىمي-تەحنيكالىق قىزمەتتى جۇزەگە اسىرۋعا، زاماناۋي ءبىلىم بەرۋ، عىلىمي ينفراقۇرىلىمدى قۇرۋعا «نازارباەۆ ۋنيۆەرسيتەتى» دببۇ-عا ماقساتتى ۇلەس قوسۋ. مىندەتتەر: ەنگىزىلگەن جاڭا تەحنولوگيالاردىڭ جالپى سانىنان شەتەلدە ەمدەلۋگە مۇقتاج ناۋقاستاردى ەمدەۋگە باعىتتالعان جاڭا تەحنولوگيالاردىڭ ۇلەسى 2021 جىلى – 14%، 2022 جىلى – 15%، 2023 جىلى – 16%»، - دەلىنگەن جوبانىڭ سيپاتتاماسىندا.
