Nazarbaev Ýnıversıteti bes jylǵa memlekettik bıýdjetten nysanaly qarjylandyrý úshin 4,8 mlrd teńge qarjy surap otyr, dep habarlaıdy "Adyrna" ulttyq portaly.
QazTag agenttiginiń habarlaýynsha, "Bıýdjettik baǵdarlamalar boıynsha shyǵyndardyń jalpy somasy mynadaı: 2020 jyly – 1 572 512; 2021 jyl (aǵymdaǵy jyldyń jospary boıynsha – red.) – 896 167; 2022 jyl ( budan ári - josparly kezeń – red.) – 787 308; 2023 jyl – 775 171; 2024 jyl – 754 756", - delingen 18 naýryzdaǵy bıýdjettik baǵdarlama jobasynda.
Osylaısha, Nazarbaev Ýnıversıteti 5 jylǵa arnalǵan nysanaly qarjylandyrý úshin bıýdjetten 4 785 914 000 teńgeden astam qarjy bólýdi suraıdy.
Qujatta qarjy "tehnologııa transfertiniń shyǵyndaryn jabýǵa" baǵyttalady delingen.
«Maqsaty: bilim berý qyzmetin, onyń ishinde qosymsha bilim berýdi, ǵylymı jáne (nemese) ǵylymı-tehnıkalyq qyzmetti júzege asyrýǵa, zamanaýı bilim berý, ǵylymı ınfraqurylymdy qurýǵa «Nazarbaev Ýnıversıteti» DBBU-ǵa maqsatty úles qosý. Mindetter: engizilgen jańa tehnologııalardyń jalpy sanynan shetelde emdelýge muqtaj naýqastardy emdeýge baǵyttalǵan jańa tehnologııalardyń úlesi 2021 jyly – 14%, 2022 jyly – 15%, 2023 jyly – 16%», - delingen jobanyń sıpattamasynda.
