"جاڭا قازاقستان قۇرامىز!" - توقاەۆ قازاقستاندىقتارعا ۇندەۋ تاستادى

6446
Adyrna.kz Telegram

مەملەكەت باسشىسى قاسىم-جومارت توقاەۆ الماتى قالاسىنىڭ "استانا" الاڭىندا ءوتىپ جاتقان مەرەكەلىك ءىس-شاراعا قاتىسىپ، بارشا قازاقستاندىقتاردى ۇلىستىڭ ۇلى كۇنىمەن قۇتتىقتادى، دەپ جازادى  "ادىرنا" ۇلتتىق پورتالى.

"كۇن مەن ءتۇن تەڭەلىپ، كۇللى تابيعات قايتا جاڭاراتىن ءاز ناۋرىزدى قارسى الۋعا بابالارىمىز ەرەكشە ءمان بەرگەن. جىل باسىن ۇلىستىڭ ۇلى كۇنى دەپ ارداقتاعان. ءاز ناۋرىز - بەرەكە-بىرلىكتىڭ، شىنايى جاناشىرلىقتىڭ جانە ءوزارا قامقورلىقتىڭ مەيرامى، - دەپ اتاپ ءوتتى پرەزيدەنت.

توقاەۆ "قاڭتار قاسىرەتى" كەزىندە الماتىلىقتاردىڭ قايسارلىق تانىتا بىلگەنىن ايتىپ،  الداعى ۋاقىتتا جاڭا قازاقستاننىڭ قۇرىلىسى باستالاتىنىن مالىمدەدى.

مەن بۇگىن ۇلىس كۇنىن وزدەرىڭىزبەن بىرگە قارسى الۋ ءۇشىن الماتىعا ارنايى كەلىپ وتىرمىن. الماتى - تاۋەلسىزدىگىمىزدىڭ التىن بەسىگى. حالقىمىزعا قايتا ورالعان ۇلىس تويىن مەرەكەلەۋ وسى قاستەرلى مەكەننەن باستالدى. الماتى - قازاق ەلىنىڭ رۋحاني، مادەني جانە ىسكەرلىك ورتالىعى. قاڭتارداعى تەرروريستەر مەن قاسكويلەردىڭ نەگىزگى سوققىسى الماتىعا ءتيىپ، جازىقسىز ادامدار قازا تاپتى. قالا ينفراقۇرىلىمىنا ۇلكەن زالال كەلدى. دەگەنمەن، الماتىلىقتار، قايسارلىق تانىتا ءبىلدى. مەن سىزدەرگە ريزامىن، مەملەكەتتىلىگىمىزدىڭ بۇرىن-سوڭدى بولماعان قاۋىپ-قاتەرى الدىندا دۇرلىكپەدىڭىزدەر الدىمىزدا اۋقىمدى رەفورمالار كۇتىپ تۇر. جاڭا قازاقستاننىڭ قۇرىلىسى باستالادى. ءبىز جاڭا ەلدى، جاڭا قازاقستاندى مىندەتتى تۇردە قۇرامىز جانە ءبىزدىڭ قولىمىزدان ءبارى كەلەدى", - دەدى توقاەۆ.

"ادىرنا" ۇلتتىق پورتالى

پىكىرلەر