Memleket basshysy Qasym-Jomart Toqaev Almaty qalasynyń "Astana" alańynda ótip jatqan merekelik is-sharaǵa qatysyp, barsha qazaqstandyqtardy Ulystyń uly kúnimen quttyqtady, dep jazady "Adyrna" ulttyq portaly.
"Kún men tún teńelip, kúlli tabıǵat qaıta jańaratyn áz Naýryzdy qarsy alýǵa babalarymyz erekshe mán bergen. Jyl basyn Ulystyń uly kúni dep ardaqtaǵan. Áz Naýryz - bereke-birliktiń, shynaıy janashyrlyqtyń jáne ózara qamqorlyqtyń meıramy, - dep atap ótti Prezıdent.
Toqaev "Qańtar qasireti" kezinde almatylyqtardyń qaısarlyq tanyta bilgenin aıtyp, aldaǵy ýaqytta jańa Qazaqstannyń qurylysy bastalatynyn málimdedi.
Men búgin Ulys kúnin ózderińizben birge qarsy alý úshin Almatyǵa arnaıy kelip otyrmyn. Almaty - Táýelsizdigimizdiń altyn besigi. Halqymyzǵa qaıta oralǵan Ulys toıyn merekeleý osy qasterli mekennen bastaldy. Almaty - qazaq eliniń rýhanı, mádenı jáne iskerlik ortalyǵy. Qańtardaǵy terrorıster men qaskóılerdiń negizgi soqqysy Almatyǵa tıip, jazyqsyz adamdar qaza tapty. Qala ınfraqurylymyna úlken zalal keldi. Degenmen, almatylyqtar, qaısarlyq tanyta bildi. Men sizderge rızamyn, memlekettiligimizdiń buryn-sońdy bolmaǵan qaýip-qateri aldynda dúrlikpedińizder Aldymyzda aýqymdy reformalar kútip tur. Jańa Qazaqstannyń qurylysy bastalady. Biz jańa eldi, jańa Qazaqstandy mindetti túrde quramyz jáne bizdiń qolymyzdan bári keledi", - dedi Toqaev.
"Adyrna" ulttyq portaly
