ماسكەۋدە رەسەيدىڭ ارەكەتىن قولداۋ ماقساتىندا شەرۋ-كونتسەرتى ءوتتى. بىراق قىرىم مەن رەسەيدىڭ قوسىلعانىنا 8 جىل دەگەن تاقىرىپتا ۇيىمداستىرىلعان شارادا ايتىلعان “ەتو مويا سترانا” ءانى قازاق بەلسەندىلەرىنىڭ الاڭداۋشىلىعىن تۋدىرىپ وتىر، دەپ حابارلايدى "ادىرنا" سايتى.
سولاردىڭ ءبىرى مۇرات ابەنوۆ.
"كازاحستان ناش" دەي مە؟ ماسكەۋدە قىرىمنىڭ رەسەيمەن قوسىلعانىنا 8 جىل تولۋىنا وراي شەرۋ-كونتسەرتى ءوتتى. ءدال وسى شارا ارقىلى ۇلكەن اۋديتورياعا رەسەيدىڭ باستى ماقساتىن ءسىڭىرۋ كوزدەلگەنى كورىنەدى. ارينە، بۇعان قاراپ قازىرگى كولىكتەرىنە ساياسي بەلگى جابىستىرعانداردىڭ دا قايدا قاراپ وي تۇزەيتىنىن ايقىن اڭعارامىز. ءاننىڭ قاي كەزدە، قالاي جازىلعانى ماڭىزدى ەمەس. ماڭىزدىسى ءدال قازىرگىدەي ەكى ەل اراسىنداعى شيەلەنىستىڭ ۋشىققان ۋاقىتىندا قولدانىلۋى عوي. ءتىپتى وسى گازمانوۆتىڭ رەسەي جەڭىسىنەن كەيىن كيەۆ تورىندە شىعارماشىلىق جەكە كونتسەرتىن بەرەدى دەگەن مەمدەر دە تاراپ جاتىر", — دەيدى مۇرات ابەنوۆ.
