رەسەيلىك Forbes «30 جاسقا دەيىنگى ەڭ پەرسپەكتيۆالى 30 رەسەيلىك» جىلدىق رەيتينگىنىڭ ءتىزىمىن ۇسىندى. قازاقستاندىق دي-دجەي تمد-دا ءبىرىنشى بولىپ گرەممي سىيلىعىن جەڭىپ العان Imanbek (يمانبەك زەيكەنوۆ) بۇل ءتىزىم قاتارىنا ەندى، دەپ حابارلايدى "ادىرنا" ۇلتتىق پورتالى.
ول سلاۆا مارلوۋ، كلاۆا كوكا، حاسكي، لوۆاندا، كرەم سودا، IC3PEAK, Niletto, HammAli & Navai جانە Dora سياقتى تانىمال انشىلەرمەن بىرگە ۇسىنىلدى. وسى سىلتەمە بويىنشا ءوتىپ، قازاقستاندىققا داۋىس بەرە الاسىز.
Forbes رەيتينگىنە 30 جاسقا دەيىن كاسىبي قوعامداستىقتا تانىمال بولىپ، بۇكىلرەسەيلىك نەمەسە ءتىپتى الەمدىك دەڭگەيدە تانىمال بولعاندار كىرەدى. 20 جاستاعى ديدجەي يمانبەك زەيكەنوۆ بەدەلدى گرەممي بايقاۋىنا ۇسىنىلعان العاشقى قازاقستاندىق بولدى. ول SAINt JHN-نىڭ «Roses» انىنە رەميكس جازعان ەدى. بۇنداي جەتىستىككە جەتەر الدىندا يمانبەك اقسۋدا تەمىرجولشى بولىپ جۇمىس ىستەگەن. ول مۋزىكالىق بىلىمگە ءوزى قىزىققان.
100 ۇمىتكەرلەردەن تۇراتىن Forbes رەيتينگىنىڭ لونگ-ءليستىن رەداكتورلار ساراپشىلاردىڭ كومەگىمەن جاسايدى: كاسىپكەرلەر، مەنەدجەرلەر، ينۆەستورلار، كەڭەسشىلەر. ناتيجەسىندە جىل سايىن بىرنەشە ونداعان ادام ۇزاق تىزىمگە ەنەدى. ۇزىن تىزىمنەن قازىلار القاسى، رەداكتسيا ۇجىمى جانە وقىرماندار ءار نوميناتسيا بويىنشا ۇزدىك 30, ءار كاتەگورياعا لايىقتى ءۇش لاۋرەاتتى تاڭدايدى.
"ادىرنا" ۇلتتىق پورتالى
