قاسىم-جومارت توقاەۆ جازۋشى ءىليا جاقانوۆقا جانە قازاق تاعامتانۋ اكادەمياسىنىڭ پرەزيدەنتى تورەگەلدى شارمانوۆقا ەرەكشە قۇرمەت بەلگىسى – «التىن جۇلدىز» بەلگىسىمەن «قازاقستاننىڭ ەڭبەك ەرى» اتاعىن بەرۋ تۋرالى جارلىققا قول قويدى. بۇل تۋرالى “ادىرنا” ۇلتتىق پورتالى اقوردانىڭ رەسمي سايتىنا سىلتەمە جاساپ حابارلايدى.
سايتتا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ قاۋلىسى جاريالاندى.
قاۋلى ەتەمىن:
1. قازاقستان رەسپۋبليكاسىنىڭ الەۋمەتتىك-گۋمانيتارلىق دامۋىنداعى اسا ۇزدىك جەتىستىكتەرى ءۇشىن:
جوعارى دارەجەلى ەرەكشەلىك بەلگىسى – «قازاقستاننىڭ ەڭبەك ەرى» اتاعى بەرىلىپ، ايرىقشا ەرەكشەلىك بەلگىسى – التىن جۇلدىز تاپسىرىلسىن:
جاقانوۆ يليا – جازۋشى، اتىراۋ قالاسى.
2. قازاقستان رەسپۋبليكاسىنىڭ دەنساۋلىق ساقتاۋ سالاسىن دامىتۋداعى اسا ۇزدىك جەتىستىكتەرى ءۇشىن:
جوعارى دارەجەلى ەرەكشەلىك بەلگىسى – «قازاقستاننىڭ ەڭبەك ەرى» اتاعى بەرىلىپ، ايرىقشا ەرەكشەلىك بەلگىسى – التىن جۇلدىز بەن «وتان» وردەنى تاپسىرىلسىن:
شارمانوۆ تورەگەلدى – قازاق تاعامتانۋ اكادەمياسىنىڭ پرەزيدەنتى، الماتى قالاسى.
”ادىرنا” ۇلتتىق پورتالى
