قازاقتىڭ «حابار» تەلەكومپانياسى 2010 جىلدان بەرى العاش رەت «ەۆروۆيدەنيە-2022» بايقاۋىن كورسەتپەيتىنىن مالىمدەدى. بۇل تۋرالى Eurovision سايتى جاريالادى، دەپ حابارلايدى “ادىرنا” ۇلتتىق پورتالى.
«حابار» اگەنتتىگىنىڭ حابارلاۋىنشا، «ەۆروۆيدەنيەنىڭ» قازاقستاندا رەيتينگى تومەن، بۇل ەلدىڭ قاتىسۋشىلارىن بايقاۋعا جىبەرمەيتىندىگىمەن بايلانىستى. تەلەارنا حابار تاراتۋ ءۇشىن قىمبات گونوراردى اتاپ وتەدى. سونداي-اق، بايقاۋدىڭ تىكەلەي ەفير ۋاقىتى قازاقستانمەن سايكەس كەلمەگەندىكتەن، ىشكى اۋديتوريانى تارتپايدى.
سايتتىڭ مالىمدەۋىنشە، ارنانىڭ شەشىمىنە ميلليونداعان دوللارلىق زاڭ بۇزۋشىلىقتارعا اكەلگەن سوڭعى الاياقتىق جانجالدار دا اسەر ەتۋى مۇمكىن.
ەسەپ كوميتەتى نۇرسۇلتان نازارباەۆ تۋرالى بىرنەشە فيلم ءتۇسىرۋ كەزىندە 439 ميلليون تەڭگەگە قارجىلىق زاڭ بۇزۋشىلىقتاردى، 1 ميلليارد 466 ميلليون تەڭگەگە بيۋدجەت قاراجاتى مەن مەملەكەت اكتيۆتەرىن ءتيىمسىز جوسپارلاۋ مەن پايدالانۋدى انىقتادى.
سونىمەن قاتار، اقپارات مينيسترلىگىنە 2019-2021 جىلدارعا ارنالعان اەا (مەملەكەتتىك اقپارات قازىناسى) بيۋدجەتىنىڭ ەسەپ-قيسابىن ۇسىنۋ كەزىندە جارنامانى وتكىزۋ ءبولىمىنىڭ قىزمەتكەرلەرىنە ەڭبەكاقى تولەۋگە 48,9 ملن تەڭگە سوماسىندا شىعىستار نەگىزسىز ەنگىزىلگەن.
دەگەنمەن، قازاقستان 2022 جىلى جەلتوقساندا ارمەنيادا وتەتىن Junior Eurovision ءان بايقاۋىنا قاتىسادى دەپ ءالى دە ءۇمىتتى. ول ءۇشىن ەلىمىزدى جارىستىڭ جەتەكشى توبى رەسمي تۇردە شاقىرۋى كەرەك.
ەسكە سالايىق، «حابار» اگەنتتىگى ەۆروۆيدەنيە ءان بايقاۋىن جىل سايىن كورسەتەدى.
2016 جىلدان باستاپ قازاقستان «حابار» اگەنتتىگى» اق ارقىلى ەۋروپالىق حابار تاراتۋ وداعىنىڭ (EBU) قاۋىمداستىرىلعان مۇشەسى بولدى. كەيىنىرەك ول ەۆروۆيدەنيەگە قاتىسۋعا بىرنەشە رەت ءوتىنىش بەردى، بىراق EBU باس تارتتى. سوڭعى رەت قازاقستاننىڭ ەۋروپا كەڭەسىنە مۇشە ەمەستىگى سەبەپ بولعان.
”ادىرنا” ۇلتتىق پورتالى
