بۇگىن شىمكەنتتىكتەر كورىسۋ كۇنىن كەڭ كولەمدە تويلاپ جاتىر. ورداباسى الاڭىنان باستاۋ العان مەرەكە "Shymqala" ەتنواۋىلىندا جالعاسىن تاپتى. شاراعا قالا تۇرعىندارى مەن ونەر يەلەرى قاتىستى.
شارانى ءۇشىنشى مەگاپوليستىڭ مادەنيەت باسقارماسىنا قاراستى جيىرماعا جۋىق مەكەمەسى بىرلەسىپ، كونتسەرتتىك باعدارلاما ۇيىمداستىردى.
– قوشقار اتا سەيىلىمەن باستالعان مەرەكەلىك شارالار ون كۇنگە جوسپارلانعان. قىستان امان شىعىپ، كوككە تابان تىرەگەنىمىزگە قۋانىپ، كورشى‐قولاڭ، حالىقپەن كورىسىپ جاتىرمىز. بيىلعى مەرەكەنىڭ ەرەكشەلىگى ‐ كونتسەرتتىك باعدارلامالار. ناۋرىز تويى قالانىڭ بارلىق اۋماعىندا تويلاناتىن بولادى، ‐ دەدى مادنيەت باسقارماسىنىڭ باسشىسى حانزادا ەسەنوۆا.
«Shymqala» ەتنواۋىلىندا وتكەن شارادا شىمكەنت قالالىق ۇلت‐اسپاپتار «قازاق» وركەسترى مەن وزگە ەتنوس وكىلدەرى دە ونەرلەرىن ورتاعا سالدى.
– ەلدىگىمىز بەن كەڭدىگىمىزدى بىلدىرەتىن مەرەكە ءاز‐ناۋرىز تورىمىزگە اتتاعالى تۇر. ۇلىستىڭ ۇلى كۇنىندە اعايىنمەن قول الىسىپ، كەۋدە قاعىسىپ كورىسىپ جاتىرمىز. ەجەلدەن جەتكەن اتا‐بابا ءداستۇرىن دارىپتەپ، ونى ۇرپاققا ۇعىندارۋ ءۇشىن كورىسۋ كۇنىن تويلاۋ كەرەكپىز، ‐ دەدى ج.شانين اتىنداعى قازاق‐دراما تەاترىنىڭ اكتەرى ەركىن شىمىرقۇلوۆ.
ايتا كەتەيىك، 15 ناۋرىز ەتنواۋىلدا جايلاۋ كۇنىنە قارسى مەرەكەلىك شارا وتەدى.
