Búgin shymkenttikter Kórisý kúnin keń kólemde toılap jatyr. Ordabasy alańynan bastaý alǵan mereke "Shymqala" etnoaýylynda jalǵasyn tapty. Sharaǵa qala turǵyndary men óner ıeleri qatysty.
Sharany úshinshi megapolıstiń mádenıet basqarmasyna qarasty jıyrmaǵa jýyq mekemesi birlesip, konerttik baǵdarlama uıymdastyrdy.
– Qoshqar ata seıilimen bastalǵan merekelik sharalar on kúnge josparlanǵan. Qystan aman shyǵyp, kókke taban tiregenimizge qýanyp, kórshi‐qolań, halyqpen kórisip jatyrmyz. Bıylǵy merekeniń ereksheligi ‐ konerttik baǵdarlamalar. Naýryz toıy qalanyń barlyq aýmaǵynda toılanatyn bolady, ‐ dedi mádnıet basqarmasynyń basshysy Hanzada Esenova.
«Shymqala» etnoaýylynda ótken sharada Shymkent qalalyq ult‐aspaptar «Qazaq» orkestri men ózge etnos ókilderi de ónerlerin ortaǵa saldy.
– Eldigimiz ben keńdigimizdi bildiretin mereke Áz‐Naýryz tórimizge attaǵaly tur. Ulystyń uly kúninde aǵaıynmen qol alysyp, keýde qaǵysyp kórisip jatyrmyz. Ejelden jetken ata‐baba dástúrin dáriptep, ony urpaqqa uǵyndarý úshin kórisý kúnin toılaý kerekpiz, ‐ dedi J.Shanın atyndaǵy qazaq‐drama teatrynyń akteri Erkin Shymyrqulov.
Aıta keteıik, 15 naýryz etnoaýylda Jaılaý kúnine qarsy merekelik shara ótedi.
