ۇلتتىق قاۋىپسىزدىك كوميتەتى 2 ناۋرىزدان بەرى ءىز-ءتۇزسىز كەتكەن ساربازعا ىزدەۋ سالدى، دەپ حابارلايدى "ادىرنا" ۇلتتىق پورتالى ۇقك ءباسپاسوز قىزمەتىنە سىلتەمە جاساپ.
ۇقك شەكارا قىزمەتىنىڭ جامبىل وبلىسى بويىنشا دەپارتامەنتى 2 ناۋرىزدا جوعالىپ كەتكەن «انداس باتىر» شەكارا بولىمشەسىندە مەرزىمدى قىزمەت اتقارىپ جۇرگەن اسكەري قىزمەتشى، قاتارداعى جاۋىنگەر ۇلىقبەك ايداربەكۇلى بەرديشەۆتى ىزدەپ جاتىر.
ىزدەۋگە جامبىل وبلىسى بويىنشا شەكارا قىزمەتىنىڭ دەپارتامەنتى مەن پوليتسيا دەپارتامەنتىنىڭ كۇش-قۇرالدارى جۇمىلدىرىلعان.
«وسى فاكت بويىنشا تەرگەۋ ءىس-قيمىلدارى مەن قىزمەتتىك تەرگەپ-تەكسەرۋ جۇرگىزىلۋدە. ۇ. بەرديشەۆكە قاتىستى قانداي دا ءبىر اقپاراتقا يە بولعانداردىڭ بارلىعىنا مىنا تەلەفون نومەرلەرى ارقىلى – 110 (ۇقك سەنىم تەلەفونى), 87172719458 (شەكارا قىزمەتىنىڭ سەنىم تەلەفونى) حابارلاۋدى سۇرايمىز»،- دەپ جازىلعان حابارلامادا.
"ادىرنا" ۇلتتىق پورتالى
