جامبىل وبلىسىندا 2 جاسار ءبۇلدىرشىن تەمىر جولعا جۇگىرىپ شىعىپ، پويىز استىنا ءتۇسىپ كوز جۇمدى، دەپ حابارلايدى "ادىرنا" ۇلتتىق پورتالى “قازاقستان تەمىر جولى” اق-قا سىلتەمە جاساپ.
ءباسپاسوز قىزمەتىنىڭ حابارلاۋىنشا، قايعىلى جاعداي بولعان كەزدە 2 جاسار بالا تەمىر جولدا جالعىز جۇرگەن. وقيعا 4 ناۋرىز كۇنى جامبىل وبلىسىنداعى مالدىباي ستانتسياسىندا بولعان.
"ەكى جاسار بالا تەمىر جولعا جۋگىرىپ شىعىپ، ءوتىپ بارا جاتقان پويىزدىڭ استىنا ءتۇستى. قايعىلى وقيعا 2022 جىلدىڭ 4 ناۋرىزىندا جامبىل وبلىسىنىڭ مالدىباي ستانتسياسىندا 17 ساعات 52 مينۋتتا ورىن الدى. قايعىلى وقيعا كەزىندە بالا قاۋىپتى ايماقتا ەرەسەكتەردىڭ قاراۋىنسىز بولعان. الدىن الا مالىمەتتەر قاراعاندا، بالانىڭ وتباسى تەمىر جولدىڭ جانىنداعى ەلدى مەكەندە تۇرادى. "قازاقستان تەمىر جولى" ۇك" اق بالانىڭ تۋىستارى مەن جاقىندارىنا كوڭىل ايتادى. تەمىرجولشىلار بالالاردى تەمىرجولداردا، ۆوكزالداردىڭ پەرروندارىندا قاراۋسىز قالدىرماۋدى سۇرايدى، ويتكەنى بالالار جاعدايدى دۇرىس باعالاي المايدى جانە قاۋىپتى اڭعارمايدى", - دەلىنگەن حابارلامادا.
"ادىرنا" ۇلتتىق پورتالى
