بۇرىن وسى فەيسبۋكتە "رەسەيدە دۇرىس اسكەر دە جوق، ەردوعان سونى پايدالانىپ ولاردى وپ - وڭاي تەگىستەپ كەتىپ ءجۇر" دەپ اۋىزىمدى اشا قالسام، سول پوستتىڭ استىنا كەلىپ اۋىزى كوبىكتەنىپ مەنىمەن داۋلاسىپ كوممەنت جازاتىن قازاقتار قايدا ەكەن..
سوڭعى وقيعالاردان سوڭ بۇكىل الەم راسىندا رەسەيدە دەنى دۇرىس اسكەردىڭ جوق ەكەندىگىن كورىپ سوعان كوزدەرى جەتىپ وتىر.
تۇتقىنعا ءتۇسىپ قالعان ورىس اسكەرلەرىنىڭ دۇرىس وبمۋنديروۆانيەسى دە جوق ەكەن.
ازىق - تۇلىگى، فورمالارى ءبىر كەزبەلەردىڭ دۇنيەسى ءتارىزدى.
قاراپ وتىرساڭىز، ورىس اسكەرى — ازىپ - توزىپ اشىققان، ءۇستى جىرتىق ءمۇساپىر، جالتاق ءبىر توبىر سياقتى.
قاشاندا قارنى تويىپ تاماق ىشپەگەن اشقۇرساق، اش - جالاڭاش، ۇرلىققا بەيىم، دەدوۆششينادان ارىلماعان ءبىر ارمياسىماق.
2008 جىلى رەسەي وڭتۇستىك وسەتيا - گرۋزياعا باسىپ كىرگەندە وسى ورىس اسكەرى گرۋزيا اۋىلدارىن اياماي توناپ ءتىپتى تازيكتەرىنە شەيىن الىپ كەتكەنىن كۇللى دۇنيە كوردى.
ەندى مىنە ۋكراين قالالارىنىڭ دۇكەندەرىن توناپ جاتىر.
ال اناۋ اقش ساربازدارىنىڭ جاعدايى حان - سۇلتانداردىڭ جاعدايى ءتارىزدى. سالىستىرا ايتساق ولاردىڭ فورماسى، جاتىن ورىنى، تاماعى، تاماعىنا قوساتىن توماتى، كەتچۋپى، ءتىس ششەتكاسى، تۇندە كيەتىن ءتۇرسيى، كۇندىز كيەتىن بولەك ءىش دامبالى ورىس اسكەرىنىڭ تۇسىنە دە كىرىپ شىقپايدى.
ورىس تانكىلەرى دە 80 جىلعى ەسكى سوۆەت تانكىلەرى. بتر لەرى دە سونداي. تەحنيكاسى دا تاپ سونداي.
پزرك، بۋك دەگەندەرى ۋكراينداردىڭ ساناۋلى بايراكتارىنىڭ استىندا قيراي جانىپ لاپىلداپ جاتىر.
بۇدان سوڭ "رەسەي سوعىستا ناتو نى دا جەڭەدى" دەگەن اڭگىمە ايتۋ تازا ۇيات.
انا ۋكراينادا دەنى دۇرىس اۆياتسيا دا جوق. پۆو دا جوق. سوعان قاراماستان ورىس اۆياتسياسىنىڭ شىعىنى ۋكراين ستينگەرلەرىنەن ارتىلماي جاتقان سياقتى. قيراي جەڭىلىپ جاتىر.
ال رەسەيگە قارسى مۇزداي قارۋلانعان، سپۋتنيكپەن جۇمىس ىستەيتىن، ۇزدىك اۆياتسياعا يە، ارتيللەرياعا يە 21 عاسىردىڭ وزىق اسكەرى ناتو كەلسە نە بولادى؟
رەسەيدىڭ سوۆەت زامانىنان بەرى سوعىس ءتاسىلى دە وزگەرمەگەن ەكەن.
ەسكى تانكى، بتر لەرىن العا سالىپ اسكەرىن العا ايداي بەرەدى.
ول اسكەرى جەر جاعدايى، باعىت باعدارى بەلگىسىز بوتەن ەلدە 21 عاسىردىڭ وزىق قارۋلارى - جاۆەلين، NLAW, ۋكرايندىق ستۋگنا، كورسارلارىنا وڭاي جەم بوپ جاتىر.
ياعني، اسكەرى بىلىكسىز گەنەرالدارىنىڭ شالا جوسپارىمەن تۋرا قاساپحاناعا ايدالىپ جاتىر دەسە دە بولادى.
سودان اسكەر شىعىنى كوپ.
رەسەيدە "پۋتين 20 جىلدا رەسەي اسكەرىن كەرەمەت جەتىستىكتەرگە جەتكىزدى" دەگەن ءسوز بار. سول ءسوزدىڭ ناعىز دالباسا اڭگىمە ەكەندىگىن ءبۇتىن الەم قازىر كورىپ وتىر.
باياعىدا وسمان يمپەرياسى دا اسكەرى توزىعى جەتكەن سوڭ كۇيرەگەن بولاتىن.
سول تۇستا باتىستىڭ زاماناۋي اسكەرى كەلىپ ولاردى قالپاقپەن ۇرىپ العانداي بولعان.
قازىرگى رەسەي اسكەرى دە ءوشىپ بارا جاتقان يمپەريانىڭ اسكەرىنە ۇقساپ تۇر.
ولجاس ءابىل
