Buryn osy feısbýkte "Reseıde durys ásker de joq, Erdoǵan sony paıdalanyp olardy op - ońaı tegistep ketip júr" dep aýyzymdy asha qalsam, sol posttyń astyna kelip aýyzy kóbiktenip menimen daýlasyp komment jazatyn qazaqtar qaıda eken..
Sońǵy oqıǵalardan soń búkil álem rasynda Reseıde deni durys áskerdiń joq ekendigin kórip soǵan kózderi jetip otyr.
Tutqynǵa túsip qalǵan orys áskerleriniń durys obmýndırovanıesi de joq eken.
Azyq - túligi, formalary bir kezbelerdiń dúnıesi tárizdi.
Qarap otyrsańyz, orys áskeri — azyp - tozyp ashyqqan, ústi jyrtyq músápir, jaltaq bir tobyr sııaqty.
Qashanda qarny toıyp tamaq ishpegen ashqursaq, ash - jalańash, urlyqqa beıim, dedovınadan arylmaǵan bir armııasymaq.
2008 jyly Reseı Ońtústik Osetııa - Grýzııaǵa basyp kirgende osy orys áskeri Grýzııa aýyldaryn aıamaı tonap tipti tazıkterine sheıin alyp ketkenin kúlli dúnıe kórdi.
Endi mine ýkraın qalalarynyń dúkenderin tonap jatyr.
Al anaý AQSh sarbazdarynyń jaǵdaıy han - sultandardyń jaǵdaıy tárizdi. Salystyra aıtsaq olardyń formasy, jatyn oryny, tamaǵy, tamaǵyna qosatyn tomaty, ketchýpy, tis etkasy, túnde kıetin túrsıi, kúndiz kıetin bólek ish dambaly orys áskeriniń túsine de kirip shyqpaıdy.
Orys tankileri de 80 jylǵy eski sovet tankileri. BTR leri de sondaı. Tehnıkasy da tap sondaı.
PZRK, BÝK degenderi ýkraındardyń sanaýly Baıraktarynyń astynda qıraı janyp lapyldap jatyr.
Budan soń "Reseı soǵysta NATO ny da jeńedi" degen áńgime aıtý taza uıat.
Ana Ýkraınada deni durys avıaııa da joq. PVO da joq. Soǵan qaramastan orys avıaııasynyń shyǵyny ýkraın stıngerlerinen artylmaı jatqan sııaqty. Qıraı jeńilip jatyr.
Al Reseıge qarsy muzdaı qarýlanǵan, spýtnıkpen jumys isteıtin, úzdik avıaıaǵa ıe, artıllerııaǵa ıe 21 ǵasyrdyń ozyq áskeri NATO kelse ne bolady?
Reseıdiń sovet zamanynan beri soǵys tásili de ózgermegen eken.
Eski tanki, BTR lerin alǵa salyp áskerin alǵa aıdaı beredi.
Ol áskeri jer jaǵdaıy, baǵyt baǵdary belgisiz bóten elde 21 ǵasyrdyń ozyq qarýlary - Javelın, NLAW, ýkraındyq Stýgna, Korsarlaryna ońaı jem bop jatyr.
Iaǵnı, áskeri biliksiz generaldarynyń shala josparymen týra qasaphanaǵa aıdalyp jatyr dese de bolady.
Sodan ásker shyǵyny kóp.
Reseıde "Pýtın 20 jylda Reseı áskerin keremet jetistikterge jetkizdi" degen sóz bar. Sol sózdiń naǵyz dalbasa áńgime ekendigin bútin álem qazir kórip otyr.
Baıaǵyda Osman ımperııasy da áskeri tozyǵy jetken soń kúıregen bolatyn.
Sol tusta Batystyń zamanaýı áskeri kelip olardy qalpaqpen uryp alǵandaı bolǵan.
Qazirgi Reseı áskeri de óship bara jatqan ımperııanyń áskerine uqsap tur.
Oljas ÁBIL
