رەسەي فەدەراتسياسىنىڭ پرەزيدەنتى ۆلاديمير پۋتين قازاقستان پرەزيدەنتى قاسىم-جومارت توقاەۆتى تۋعان كۇنىمەن قۇتتىقتادى. قۇتتىقتاۋ ءماتىنى كرەملدىڭ رەسمي سايتىندا جاريالاندى، دەپ حابارلايدى “ادىرنا” ۇلتتىق پورتالى.
رەسەي باسشىسى پۋتين پرەزيدەنت توقاەۆتىڭ رەسەي مەن قازاقستان اراسىنداعى ستراتەگيالىق سەرىكتەستىك پەن وداقتاستىقتى نىعايتۋعا قوسقان ۇلەسىن جوعارى باعالاپ، بۇل باعىتتاعى ىنتىماقتاستىق الداعى ۋاقىتتا دا جالعاساتىنىنا سەنىم ءبىلدىردى.
«قۇرمەتتى قاسىم-جومارت كەمەلۇلى!
ءسىزدى تۋعان كۇنىڭىزبەن شىن جۇرەكتەن قۇتتىقتايمىز.
ءبىز ءسىزدىڭ مەملەكەتتەرىمىزدىڭ اراسىنداعى ستراتەگيالىق سەرىكتەستىك پەن وداقتاستىق قاتىناستاردى نىعايتۋعا قوسقان ۇلەسىڭىزدى جوعارى باعالايمىز. بۇل قارىم-قاتىناستار باۋىرلاس رەسەي مەن قازاقستان حالىقتارىنىڭ يگىلىگى، ەۋرازيالىق كەڭەستىكتە قاۋىپسىزدىك پەن تۇراقتىلىقتى قامتاماسىز ەتۋ جولىندا الداعى ۋاقىتتا دا جەمىستى جالعاسىن تاباتىنىنا سەنىمدىمىن.
قاسىم-جومارت كەمەلۇلى، سىزگە شىن جۇرەكتەن دەنساۋلىق، يگىلىك پەن مەملەكەت بولاشاعى جولىنداعى قىزمەتىڭىزگە ساتتىلىك تىلەيمىن.
قۇرمەتپەن، ۆلاديمير پۋتين»، – دەلىنگەن قۇتتىقتاۋ حاتىندا.
ۇقساس جاڭالىقتار
