الماتى وبلىسىنىڭ اكىمى قانات بوزىمباەۆ 1 ناۋرىز – العىس ايتۋ كۇنىمەن قۇتتىقتاپ، جىلى لەبىزىن ءبىلدىردى.
«الماتى وبلىسىنىڭ قۇرمەتتى تۇرعىندارى! سىزدەردى كوكتەمنىڭ العاشقى مەرەكەسى – العىس ايتۋ كۇنىمەن شىن جۇرەكتەن قۇتتىقتايمىن!
بۇل مەرەكە ەلىمىزدەگى تاتۋلىق پەن بىرلىكتى، ىزگىلىك پەن قايىرىمدىلىقتى، دوستىق پەن اق نيەتتى، ىستىق ىقىلاستى دارىپتەۋىمەن ەرەكشەلەنەدى. وسى مەرەيلى كۇندە اتا-انامىزعا، جاقىندارىمىزعا، ۇستازدارعا، دارىگەرلەرگە، ءتارتىپ ساقشىلارىنا، كورشىلەرگە، ارىپتەستەرگە، ەل يگىلىگى ءۇشىن تەر توگىپ جۇرگەن بارلىق ماماندىقتىڭ قىزمەتكەرلەرىنە شىن جۇرەكتەن العىس ايتۋمەن بولايىق!
العىس ايتۋ – وتباسىن ىنتىماققا، كورشىنى دوستىققا، حالىقتى بىرلىككە، ەلدى تاتۋلىققا باستايتىن مەرەيلى مەرەكە.
1 ناۋرىز – العىس ايتۋ كۇنىندە بارشا جەتىسۋلىقتارعا زور دەنساۋلىق، باياندى باقىت، اۋىزبىرشىلىك تىلەيمىن! ءاردايىم قولداۋ تانىتىپ، قيىن-قىستاۋ ساتتە جۇدىرىقتاي جۇمىلا بىلگەن وبلىس تۇرعىندارىنا شىن جۇرەگىمنەن العىسىمدى بىلدىرەمىن!» - دەلىنگەن اكىم قۇتتىقتاۋىندا.
سونداي-اق، العىس ايتۋ كۇنىن مەرەكەلەۋ اياسىندا باستوبە تاۋىنىڭ ەتەگىندە قاراتال اۋدانىندا "قازاق حالقىنا مىڭ العىس" مونۋمەنتىنىڭ جانىندا سالتاناتتى ميتينگ ءوتتى. جىل سايىنعى ءىس-شارا قازاق حالقىنا العىس ايتۋ ەسكەرتكىشىنە گۇل شوقتارىن قويۋدان باستالدى.
ال مەرەكە قارساڭىندا ءتۇرلى ۇلت وكىلدەرى تالدىقورعاننىڭ قوعامدىق كولىگىندە پاتريوتتىق اندەر شىرقادى. ەرەكشە قۇتتىقتاۋدى "Jetisy Media" جانە "قوعامدىق كەلىسىم" كمم بىرلەسىپ ۇيىمداستىردى.
مەرەكەنىڭ قۇندىلىعىن جاس انيماتسيالىق سۋرەتشى مەرەي كيتاپوۆ ءوز شىعارماشىلىعى ارقىلى جەتكىزدى. قيىن ۋاقىتتا قازاق حالقى كوپتەگەن ەتنيكالىق توپتار ءۇشىن پانا بولدى. قازاق دالاسى تىنىشتىق پەن بىرلىكتىڭ سيمۆولىنا اينالدى.
