Almaty oblysynyń ákimi Qanat Bozymbaev 1 naýryz – Alǵys aıtý kúnimen quttyqtap, jyly lebizin bildirdi.
«Almaty oblysynyń qurmetti turǵyndary! Sizderdi kóktemniń alǵashqy merekesi – Alǵys aıtý kúnimen shyn júrekten quttyqtaımyn!
Bul mereke elimizdegi tatýlyq pen birlikti, izgilik pen qaıyrymdylyqty, dostyq pen aq nıetti, ystyq yqylasty dáripteýimen erekshelenedi. Osy mereıli kúnde ata-anamyzǵa, jaqyndarymyzǵa, ustazdarǵa, dárigerlerge, tártip saqshylaryna, kórshilerge, áriptesterge, el ıgiligi úshin ter tógip júrgen barlyq mamandyqtyń qyzmetkerlerine shyn júrekten alǵys aıtýmen bolaıyq!
Alǵys aıtý – otbasyn yntymaqqa, kórshini dostyqqa, halyqty birlikke, eldi tatýlyqqa bastaıtyn mereıli mereke.
1 naýryz – Alǵys aıtý kúninde barsha jetisýlyqtarǵa zor densaýlyq, baıandy baqyt, aýyzbirshilik tileımin! Árdaıym qoldaý tanytyp, qıyn-qystaý sátte judyryqtaı jumyla bilgen oblys turǵyndaryna shyn júregimnen alǵysymdy bildiremin!» - delingen ákim quttyqtaýynda.
Sondaı-aq, Alǵys aıtý kúnin merekeleý aıasynda Bastóbe taýynyń eteginde Qaratal aýdanynda "qazaq halqyna myń alǵys" monýmentiniń janynda saltanatty mıtıng ótti. Jyl saıynǵy is-shara qazaq halqyna alǵys aıtý eskertkishine gúl shoqtaryn qoıýdan bastaldy.
Al mereke qarsańynda túrli ult ókilderi Taldyqorǵannyń qoǵamdyq kóliginde patrıottyq ánder shyrqady. Erekshe quttyqtaýdy "Jetisy Media" jáne "Qoǵamdyq kelisim" KMM birlesip uıymdastyrdy.
Merekeniń qundylyǵyn jas anımaııalyq sýretshi Mereı Kıtapov óz shyǵarmashylyǵy arqyly jetkizdi. Qıyn ýaqytta qazaq halqy kóptegen etnıkalyq toptar úshin pana boldy. Qazaq dalasy tynyshtyq pen birliktiń sımvolyna aınaldy.
