الماتىداعى جۋرناليستەر ۇيىندە اقىن، قوعام قايراتكەرى ولجاس سۇلەيمەنوۆتىڭ «قازاقستان حالىق كونگرەسى» قوعامدىق قوزعالىسى جۇمىسىنىڭ جاندانۋى تۋرالى ءباسپاسوز ءماسليحاتى ءوتتى، دەپ حابارلايدى "ادىرنا" ۇلتتىق پورتالى nege.kz-كە سىلتەمە جاساپ.
ءباسپاسوز ماسليحاتى بارىسىندا و.سۇيلەيمەنوۆ قوعامدىق قوزعالىس جۇمىسىن قايتا باستايتىنىن ايتتى.
قوزعالىستىڭ قۇرىلۋىنا «قاڭتار وقيعاسى» سەبەپ بولعان جوق پا؟
ولجاس سۇلەيمەنوۆ بۇل سۇراققا جاۋاپ بەرە وتىرىپ، «قاڭتار وقيعاسىنا» قاتىستى ويىن اشىق ايتتى.
«قاڭتار وقيعاسىندا ستۋدەنتتەر بولعان جوق. مەن شەۆچەنكو كوشەسى بويىمەن كەتىپ بارا جاتقان توپتى ءوز كوزىممەن كوردىم. مەن ول كەزدە اۋرۋحانادا جاتقانمىن. 8-قاباتتىڭ بالكونىنان ءبارىن باقىلاپ تۇردىم. ولار جۇرگەن جەردە ستۋدەنتتەر بولعان جوق. ول جەردە بولات نازارباەۆتىڭ بازارىنىڭ جۇمىسكەرلەرى بولدى. ولار – كۇزەتشىلەر، جۇك تاسىعىشتار، تاعى سول سياقتىلار. جاس، بويىندا كۇشى بار جىگىتتەر شەۆچەنكودان باستاپ، فۋرمانوۆاعا دەيىن ءجۇرىپ ءوتتى. ودان ارى قاراي الاڭعا كوتەرىلدى.
مەن – 1986 جىلعى كوتەرىلىستىڭ كۋاگەرىمىن. ەكى كۇن بارلىعىن ءوز كوزىممەن كوردىم، بەل ورتاسىندا ءجۇردىم، سول ءۇشىن قۋعىندالدىم. سول سەبەپتى مەن كەشەگى توپتى ايىرا الامىن. قاڭتاردا بازاردىڭ جۇمىسكەرلەرى شىقتى. ولاردىڭ جاساعانىن ستۋدەنتتەر ىستەي الماس ەدى. توناۋ، بۇزاقىلىق، ورتەۋ دەگەن سياقتىلارى تولىپ جاتىر», – دەدى ولجاس سۇلەيمەنوۆ.
اقىننىڭ ايتۋىنشا، «قاڭتار وقيعاسىن» ەكس-پرەزيدەنتتىڭ اۋلەتىنىڭ ادامدارى ۇيىمداستىرعان.
«مەن بۇعان نىق سەنىمدى ەمەسپىن، بىراق نەگىزىنەن ونى شاپىراشتى رۋىنىڭ وكىلدەرى ۇيىمداستىردى. شاپىراشتىلاردىڭ جەندەتتەرى ءجۇردى. ويتكەنى ول ەكى كۇننىڭ ىشىندە ۇيىمداستىرىلعان جوسپار ەمەس. وعان بۇرىننان دايىندالدى. ولار اسىعىستىق جاسادى. پرەزيدەنتتەر رەسەيدە پۋتينمەن كەزدەستى. سول كەزدە ولار ۋاقىتى كەلدى دەپ ءتۇسىندى», – دەدى و.سۇلەيمەنوۆ.
"ادىرنا" ۇلتتىق پورتالى
