Almatydaǵy Jýrnalıster úıinde aqyn, qoǵam qaıratkeri Oljas Súleımenovtiń «Qazaqstan halyq kongresi» qoǵamdyq qozǵalysy jumysynyń jandanýy týraly baspasóz máslıhaty ótti, dep habarlaıdy "Adyrna" ulttyq portaly nege.kz-ke silteme jasap.
Baspasóz maslıhaty barysynda O.Súıleımenov qoǵamdyq qozǵalys jumysyn qaıta bastaıtynyn aıtty.
Qozǵalystyń qurylýyna «Qańtar oqıǵasy» sebep bolǵan joq pa?
Oljas Súleımenov bul suraqqa jaýap bere otyryp, «Qańtar oqıǵasyna» qatysty oıyn ashyq aıtty.
«Qańtar oqıǵasynda stýdentter bolǵan joq. Men Shevchenko kóshesi boıymen ketip bara jatqan topty óz kózimmen kórdim. Men ol kezde aýrýhanada jatqanmyn. 8-qabattyń balkonynan bárin baqylap turdym. Olar júrgen jerde stýdentter bolǵan joq. Ol jerde Bolat Nazarbaevtyń bazarynyń jumyskerleri boldy. Olar – kúzetshiler, júk tasyǵyshtar, taǵy sol sııaqtylar. Jas, boıynda kúshi bar jigitter Shevchenkodan bastap, Fýrmanovaǵa deıin júrip ótti. Odan ary qaraı alańǵa kóterildi.
Men – 1986 jylǵy kóterilistiń kýágerimin. Eki kún barlyǵyn óz kózimmen kórdim, bel ortasynda júrdim, sol úshin qýǵyndaldym. Sol sebepti men keshegi topty aıyra alamyn. Qańtarda bazardyń jumyskerleri shyqty. Olardyń jasaǵanyn stýdentter isteı almas edi. Tonaý, buzaqylyq, órteý degen sııaqtylary tolyp jatyr», – dedi Oljas Súleımenov.
Aqynnyń aıtýynsha, «Qańtar oqıǵasyn» eks-prezıdenttiń áýletiniń adamdary uıymdastyrǵan.
«Men buǵan nyq senimdi emespin, biraq negizinen ony shapyrashty rýynyń ókilderi uıymdastyrdy. Shapyrashtylardyń jendetteri júrdi. Óıtkeni ol eki kúnniń ishinde uıymdastyrylǵan jospar emes. Oǵan burynnan daıyndaldy. Olar asyǵystyq jasady. Prezıdentter Reseıde Pýtınmen kezdesti. Sol kezde olar ýaqyty keldi dep túsindi», – dedi O.Súleımenov.
"Adyrna" ulttyq portaly
