ۋكراينا پرەزيدەنتى ۆلاديمير زەلەنسكي تاعى دا ۇندەۋ جاسادى. ونىڭ ۇندەۋى Instagram-داعى رەسمي پاراقشاسىندا جاريالاندى، دەپ حابارلايدى "ادىرنا" ۇلتتىق پورتالى nur.kz-كە سىلتەما جاساپ.
ء"بىز مەملەكەتىمىزدى ازات ەتۋ ءۇشىن قانشا كەرەك بولسا، سونشا كۇرەسەتىن بولامىز. سابيلەر اتىس-شابىس بولىپ جاتقانىنا قاراماستان، باس ساۋعالايتىن جەردە دۇنيەگە كەلىپ جاتقاندا مىنا حالىقتار سوعىسىندا جاۋدىڭ جەڭىسكە جەتۋىنە ەشبىر مۇمكىندىك جوق", - دەيدى زەلەنسكي.
سونىمەن قاتار، ۆلاديمير زەلەنسكي ۇندەۋىندە ازەربايجان پرەزيدەنتى يلحام اليەۆ پەن تۇركيا پرەزيدەنتى رەجەپ تايىپ ەردوعان ۋكرايناداعى جاعداي بويىنشا رەسەيمەن كەلىسسوز جۇرگىزۋدى ۇيىمداستىرۋدى ۇسىنعانىن اتاپ ءوتتى.
"اليەۆ پەن ەردوعان رەسەيمەن كەلىسسوز جۇرگىزۋدى ۇيىمداستىرۋدى ۇسىندى. بۇنى تەك قولداۋعا بولادى", - دەيدى ۋكراينا پرەزيدەنتى.
سونداي-اق، زەلەنسكي ەۋروپانىڭ بارلىق ەلدەرى رەسەيدى SWIFT حالىقارالىق تولەم جۇيەسىنەن اجىراتۋعا كەلىسكەنىن دە ايتا كەتتى.
ء"بىزدىڭ ديپلوماتتار ەۋروپانىڭ بارلىق ەلدەرى حالىقارالىق بانكارالىق جۇيەدەن رەسەيدى اجىرتاۋعا كەلىسۋى ءۇشىن بار كۇش-جىگەرىن سالدى. بۇل جەڭىس تە ءبىزدىڭ قولدا. بۇل رەسەي ءۇشىن ميللياردتاعان شىعىن", - دەيدى ول.
"ادىرنا" ۇلتتىق پورتالى
پوسموترەت ەتۋ پۋبليكاتسيۋ ۆ Instagram
