Ýkraına prezıdenti Vladımır Zelenskıı taǵy da úndeý jasady. Onyń úndeýi Instagram-daǵy resmı paraqshasynda jarııalandy, dep habarlaıdy "Adyrna" ulttyq portaly nur.kz-ke siltema jasap.
"Biz memleketimizdi azat etý úshin qansha kerek bolsa, sonsha kúresetin bolamyz. Sábıler atys-shabys bolyp jatqanyna qaramastan, bas saýǵalaıtyn jerde dúnıege kelip jatqanda myna halyqtar soǵysynda jaýdyń jeńiske jetýine eshbir múmkindik joq", - deıdi Zelenskıı.
Sonymen qatar, Vladımır Zelenskıı úndeýinde Ázerbaıjan prezıdenti Ilham Álıev pen Túrkııa prezıdenti Rejep Taıyp Erdoǵan Ýkraınadaǵy jaǵdaı boıynsha Reseımen kelissóz júrgizýdi uıymdastyrýdy usynǵanyn atap ótti.
"Álıev pen Erdoǵan Reseımen kelissóz júrgizýdi uıymdastyrýdy usyndy. Buny tek qoldaýǵa bolady", - deıdi Ýkraına prezıdenti.
Sondaı-aq, Zelenskıı Eýropanyń barlyq elderi Reseıdi SWIFT halyqaralyq tólem júıesinen ajyratýǵa keliskenin de aıta ketti.
"Bizdiń dıplomattar Eýropanyń barlyq elderi halyqaralyq bankaralyq júıeden Reseıdi ajyrtaýǵa kelisýi úshin bar kúsh-jigerin saldy. Bul jeńis te bizdiń qolda. Bul Reseı úshin mıllıardtaǵan shyǵyn", - deıdi ol.
"Adyrna" ulttyq portaly
Posmotret etý pýblıkaııý v Instagram
