قر پارلامەنتى ءماجىلىسىنىڭ دەپۋتاتتارى، «Nur Otan» پارتياسى فراكتسيا مۇشەلەرى وسپانوۆ بەرىك سەرىكۇلى، بەكجانوۆ بەرىك ايداربەكۇلى، قاراتاەۆ فاحريددين ءابدىنابيۇلى، ەرمان مۇحتار تىلدابەكۇلى شىمكەنت قالاسىنىڭ جاستارىمەن كەزدەستى.
وڭىرىمىزگە ىسساپارمەن كەلگەن ءماجىلىس دەپۋتاتتارى جاستارمەن ەركىن فورماتتا كەزدەستى.
كەزدەسۋ بارىسىندا وڭىرلەردى ارالاۋداعى نەگىزگى ماقسات – بۇگىنگى تاڭداعى جاستار اراسىنداعى باستى ماسەلەلەرگە قۇلاق اسىپ، جاستاردىڭ ءبىلىم الۋىنا بارىنشا جاعداي جاساۋ كەرەكتىگىن جەتكىزدى.
حالىق قالاۋلىلارى قولعا الىنعان اۋقىمدى باستامالاردى ىسكە اسىرۋدا جاستاردىڭ ەرەكشە ماڭىزدى ءرول اتقاراتىنىن اتاپ ءوتتى. سونداي-اق، مەملەكەت باسشىسىنىڭ يگى ىستەرى - بارشا ەلدىڭ مۇددەسى ءۇشىن جاسالىپ جاتقانىن جەتكىزدى.
وسى جانە وزگە دە اۋقىمدى ماسەلەلەردى قامتىعان كەزدەسۋ ءوزارا سۇراق-جاۋاپقا ۇلاسىپ، جاستار كوكەيلەرىندە جۇرگەن سۇراقتارعا جاۋاپتار الىپ، ۇسىنىستارىن جەتكىزدى.
وندا جاستارعا ارنالعان تۇرعىن ءۇي باعدارلامالارىنىڭ شارتتارىن جاستارعا ءتيىمدى ەتىپ وزگەرتۋ جولدارى ايتىلدى. ياعني، باعدارلاما شارتتارىندا كورسەتىلگەن قالادا 2 جىل تىركۋدە بولۋى جانە قالا اۋماعىنداعى جاستاردىڭ جالاقىسى تومەن بولعاندىقتان ايلىق ەسەپتىك كورسەتەشتى تومەندەتۋ، جاس مولشەرىن 29 دان 35 جاسقا ۇلعايتۋ ماسەلەلەرى بويىنشا سۇراقتار قويىلدى. ءماجىلىس دەپۋتاتتارى بۇل ماسەلەلەردى پارلامەنتتە ۇسىنىپ شەشۋ جولدارىن قاراستىراتىنىن جەتكىزدى. سونىمەن قاتار ستۋدەنتتەر تەحنيكالىق ماماندىقتاردىڭ ستەپەندياسىن كوتەرۋ ماسەلەلەرى بويىنشا ۇسىنىستارىن ايتىپ ءوتتى.
