QR Parlamenti májilisiniń depýtattary, «Nur Otan» partııasy frakııa músheleri Ospanov Berik Serikuly, Bekjanov Berik Aıdarbekuly, Qarataev Fahrıddın Ábdinabıuly, Erman Muhtar Tildábekuly Shymkent qalasynyń jastarymen kezdesti.
Óńirimizge issaparmen kelgen májilis depýtattary jastarmen erkin formatta kezdesti.
Kezdesý barysynda óńirlerdi aralaýdaǵy negizgi maqsat – búgingi tańdaǵy jastar arasyndaǵy basty máselelerge qulaq asyp, jastardyń bilim alýyna barynsha jaǵdaı jasaý kerektigin jetkizdi.
Halyq qalaýlylary qolǵa alynǵan aýqymdy bastamalardy iske asyrýda jastardyń erekshe mańyzdy ról atqaratynyn atap ótti. Sondaı-aq, Memleket basshysynyń ıgi isteri - barsha eldiń múddesi úshin jasalyp jatqanyn jetkizdi.
Osy jáne ózge de aýqymdy máselelerdi qamtyǵan kezdesý ózara suraq-jaýapqa ulasyp, jastar kókeılerinde júrgen suraqtarǵa jaýaptar alyp, usynystaryn jetkizdi.
Onda jastarǵa arnalǵan turǵyn úı baǵdarlamalarynyń sharttaryn jastarǵa tıimdi etip ózgertý joldary aıtyldy. Iaǵnı, baǵdarlama sharttarynda kórsetilgen qalada 2 jyl tirkýde bolýy jáne qala aýmaǵyndaǵy jastardyń jalaqysy tómen bolǵandyqtan aılyq eseptik kórseteshti tómendetý, jas mólsherin 29 dan 35 jasqa ulǵaıtý máseleleri boıynsha suraqtar qoıyldy. Májilis depýtattary bul máselelerdi parlamentte usynyp sheshý joldaryn qarastyratynyn jetkizdi. Sonymen qatar stýdentter tehnıkalyq mamandyqtardyń stependııasyn kóterý máseleleri boıynsha usynystaryn aıtyp ótti.
