Mäjılıs deputattary Şymkent jastarymen kezdestı

QR Parlamentı mäjılısınıŋ deputattary, «Nur Otan» partiiasy fraksiia müşelerı Ospanov Berık Serıkūly, Bekjanov Berık Aidarbekūly, Qarataev Fahriddin Äbdınabiūly, Erman Mūhtar Tıldäbekūly Şymkent qalasynyŋ jastarymen kezdestı. Öŋırımızge ıssaparmen kelgen mäjılıs deputattary jastarmen erkın formatta kezdestı. Kezdesu barysynda öŋırlerdı aralaudaǧy negızgı maqsat – bügıngı taŋdaǧy jastar arasyndaǧy basty mäselelerge qūlaq asyp, jastardyŋ bılım aluyna barynşa jaǧdai jasau kerektıgın jetkızdı. Halyq qalaulylary qolǧa alynǧan auqymdy bastamalardy ıske asyruda jastardyŋ erekşe maŋyzdy röl atqaratynyn atap öttı. Sondai-aq, Memleket basşysynyŋ igı ısterı - barşa eldıŋ müddesı üşın jasalyp jatqanyn jetkızdı. Osy jäne özge de auqymdy mäselelerdı qamtyǧan kezdesu özara sūraq-jauapqa ūlasyp, jastar kökeilerınde jürgen sūraqtarǧa jauaptar alyp, ūsynystaryn jetkızdı. Onda jastarǧa arnalǧan tūrǧyn üi baǧdarlamalarynyŋ şarttaryn jastarǧa tiımdı etıp özgertu joldary aityldy. Iаǧni, baǧdarlama şarttarynda körsetılgen qalada 2 jyl tırkude boluy jäne qala aumaǧyndaǧy jastardyŋ jalaqysy tömen bolǧandyqtan ailyq eseptık körseteştı tömendetu, jas mölşerın 29 dan 35 jasqa ūlǧaitu mäselelerı boiynşa sūraqtar qoiyldy. Mäjılıs deputattary būl mäselelerdı parlamentte ūsynyp şeşu joldaryn qarastyratynyn jetkızdı. Sonymen qatar studentter tehnikalyq mamandyqtardyŋ stependiiasyn köteru mäselelerı boiynşa ūsynystaryn aityp öttı.