14 اقپاندا حالىقارالىق تۇركى اكادەمياسىنىڭ پرەزيدەنتى دارحان قىدىرالى تۇركى مەملەكەتتەر ۇيىمىنىڭ (تمۇ) باس حاتشىسى باعدات امىرەەۆپەن كەزدەستى.
نۇر-Cۇلتان قالاسىنداعى ءىسساپارى اياسىندا تمۇ باس حاتشىسى باعدات امىرەەۆ اكادەميانىڭ جاڭا عيماراتىنا ارنايى كەلىپ، تۇركى مۋزەيى مەن كىتاپحاناسىن ارالاپ كورىپ، اتقارىلىپ جاتقان جۇمىستارمەن تانىستى.
كەزدەسۋ بارىسىندا تاراپتار تۇركى الەمىنىڭ وزەكتى ماسەلەلەرى مەن قاناتتاس ۇيىمداردىڭ كۇن تارتىبىندە تۇرعان ماڭىزدى جۇمىستاردى تالقىلاپ، الداعى ءىس-شارالار جونىندە پىكىر الماستى.
سونىمەن قاتار، اكادەميا باسشىسى د. قىدىرالى باس حاتشى باعدات امىرەەۆتى قازاقستاننىڭ "حالىقتىڭ سۇيىكتىسى" ۇلتتىق سىيلىعىنىڭ لاۋرەاتى اتانعانىمەن قۇتتىقتادى.
ءوز كەزەگىندە باس حاتشى باعدات امىرەەۆ حالىقارالىق تۇركى اكادەميامىنىڭ جاڭا عيماراتىمەن قۇتتىقتاپ، ۇيىمنىڭ تۇركى الەمىنىڭ عىلىمي ينتەگراتسياسى باعىتىنداعى جۇمىسىن جوعارى باعالاپ، الداعى جۇمىسىنا دا ساتتىلىك تىلەدى.
جيىن سوڭىندا د. قىدىرالى مارتەبەلى مەيمانعا ريزاشىلىعىن ءبىلدىرىپ، اكادەميانىڭ باعالى باسىلىمدارىن تارتۋ ەتتى.
كەزدەسۋگە سونداي-اق، حالىقارالىق تۇركى اكادەمياسىنىڭ ۆيتسە-پرەزيدەنتى فيزۋلي مادجيدلي مەن قازاقستان رەسپۋبليكاسىنىڭ سىرتقى ىستەر مينيسترىلىگىنىڭ تاياۋ، ورتا شىعىس جانە افريكا دەپارتامەنتى كوپجاقتى ىنتىماقتاستىق باسقارماسىنىڭ باسشىسى مەرەي مۇقاجان قاتىستى.
"ادىرنا" ۇلتتىق پورتالى
