شىمكەنتتە جاستاردى جۇمى پەن قامتۋ باستى نازاردا

1761
Adyrna.kz Telegram

بيىل «جاستار پراكتيكاسى» مەن «العاشقى جۇمىس ورنى» جوباسىنىڭ مەرزىمى وزگەرىپ، تولەنەتىن ەڭبەكاقىسى كوتەرىلدى. مۇنداي شارالار مەملەكەت باسشىسى ق.توقاەۆتىڭ تاپسىرماسىنا سايكەس، جاستار اراسىندا جۇمىسسىزدىق دەنگەيىن تومەندەتۋ ءۇشىن قابىلدانعان.

بۇل تۋرالى جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى بالمارجان ناربەكوۆا قالا اكىمدىگىنىڭ «Instagram» پاراقشاسىنداعى تىكەلەي ەفيردە باياندادى.

«جاستار پراكتيكاسى» باعدارلاماسىنىڭ مەرزىمى 12 ايعا ۇزارىپ، ەڭبەكاقىسى 91 890 (30 اەك) تەڭگە، ال «العاشقى جۇمىس ورنى» جوباسىنىڭ مەرزىمى 18 اي، تولەنەتىن ەڭبەكاقىسى 30 ايلىق كورسەتكىشكە ءوستى.

بيىل قر ۇكىمەتىنىڭ قاۋلىسىمەن «2021-2025 جىلدارعا كاسىپكەرلىكتى دامىتۋ جونىندەگى ۇلتتىق جوبا» شەڭبەرىندە قالادا 33 500 ادامدى جۇمىسپەن قامتۋ شارالارىنا قاتىستىرۋ بولسا، ونىڭ ىشىندە 20 759 ازاماتتى تۇراقتى جۇمىسقا ورنالاستىرۋ جوسپارلانعان.

ال، شىمكەنتتە 2022 جىلعا 24 196 جاڭا جۇمىس ورنىن قۇرۋ كوزدەلىپ وتىر. ونىڭ 14 157 ورنى تۇراقتى، 9 679-ى ۋاقىتشا. ۇلتتىق جوبا نەگىزىندە 10 522 جۇمىس ورنى، 13 674 ورىن جەكە باستامامەن اشىلادى.

پرەزيدەنتتىڭ 2022 جىلدىڭ 11 قاڭتارداعى كەڭەيتىلگەن وتىرىسىنداعى بەرگەن تاپسىرماسى نەگىزىندە، بيىل 18 425 جاستى جۇمىسپەن قامتۋ كوزدەلىپ وتىر.

وتكەن جىلى 29 جاسقا دەيىنگى 2 578 ازامات «جاستار پراكتيكاسىنا»، 351 ادام الەۋمەتتىك جۇمىس ورىندارىنا، 3 064-ءى قوعامدىق جۇمىسقا، 118 جاس «العاشقى جۇمىس ورنى» جوباسى ارقىلى جانە 23 421 ادام بوس جۇمىس ورىندارىنا ورنالاسقان.

ەفير بارىسىندا تۇرعىندار تاراپىنان 60-تان اسا سۇراق قويىلدى. باسقارما باسشىسى جۇمىسپەن قامتۋدىڭ باعىتتارى، كاسىپتىك وقۋ جانە جاستارعا ارنالعان باعدارلاما جونىندە ساۋالدارعا جاۋاپ بەردى.

 

پىكىرلەر