بەلگىلى اقىن سۆەتقالي نۇرجان «قاسقا جول» Youtube ارناسىنا بەرگەن سۇحباتىندا 2001 جىلى قازاقستان جەرلەرىن شەتەلگە جالعا بەرۋ ماسەلەلەرىن تالقىلاۋ كەزىندە جازۋشى ءابىش كەكىلباەۆتىڭ نۇرسۇلتان نازارباەۆقا ايتقان ءسوزىن ەسكە ءتۇسىردى، دەپ حابارلايدى "ادىرنا" ۇلتتىق پورتالى.
«اينالامىزدا ءار ءتۇرلى ەلدەر بار، ءتۇرلى مۇددەلەر بار. بىزگە كىم قالاي قارايدى، ونى دا ەسكەرمەسەك بولمايدى» دەپ سويلەدى نازارباەۆ. سوندا ءابىش كەكىلباەۆ «نۇرەكە، بىزگە كىم قالاي قارايدى دەپ وتىراتىن سۇلۋ قاتىن ەمەسپىز. ءسىز بەن ءبىزدىڭ ەرتەڭگى كەلەتىن ۇرپاق بىزگە قالاي قارايدى دەگەن جالعىز قايعى بولۋى كەرەك!" دەدى. بەينەجازبالار تولىق جويىلىپ كەتپەسە بۇل سوزدەر كەيىن دە شىعادى، - دەپ ەسكە الادى سۆەتقالي نۇرجان.
س.نۇرجان كەكىلباەۆتىڭ ەلباسىنىڭ قولىنان سۇيگەن ءساتىن دە ەسكە الدى.
كەكىلباەۆ مەنىڭ قولىمنان دا 10 شاقتى رەت سۇيگەن. ماعان جاعىنىپ سۇيگەن ەشتەڭەسى جوق. كەز كەلگەن ەنە كوكىرەك ۇلكەن كىسىلەردىڭ ادەتى بۇل. ماڭعىستاۋدا ءالى كۇنگە شالدار ىقىلاسى قۇلاعان، ءۇمىت ەتكەن ادامداردىڭ قولىنان سۇيەدى. سول وقيعا ورىن العان جيىندا مەن دە بولدىم. ەشقانداي ەرسىلىك كورىنگەن جوق. جيىندا ەلباسىنىڭ ءوزى دە جۇرەكجاردى ءسوز ايتقان، - دەيدى اقىن.
سۇحباتتىڭ تولىق نۇسقاسىن تومەندەگى سىلتەمە ارقىلى كورە الاسىزدار:
"ادىرنا" ۇلتتىق پورتالى
