Belgili aqyn Svetqalı Nurjan «Qasqa jol» Youtube arnasyna bergen suhbatynda 2001 jyly Qazaqstan jerlerin shetelge jalǵa berý máselelerin talqylaý kezinde jazýshy Ábish Kekilbaevtyń Nursultan Nazarbaevqa aıtqan sózin eske túsirdi, dep habarlaıdy "Adyrna" ulttyq portaly.
«Aınalamyzda ár túrli elder bar, túrli múddeler bar. Bizge kim qalaı qaraıdy, ony da eskermesek bolmaıdy» dep sóıledi Nazarbaev. Sonda Ábish Kekilbaev «Nureke, bizge kim qalaı qaraıdy dep otyratyn sulý qatyn emespiz. Siz ben bizdiń erteńgi keletin urpaq bizge qalaı qaraıdy degen jalǵyz qaıǵy bolýy kerek!" dedi. Beınejazbalar tolyq joıylyp ketpese bul sózder keıin de shyǵady, - dep eske alady Svetqalı Nurjan.
S.Nurjan Kekilbaevtyń Elbasynyń qolynan súıgen sátin de eske aldy.
Kekilbaev meniń qolymnan da 10 shaqty ret súıgen. Maǵan jaǵynyp súıgen eshteńesi joq. Kez kelgen ene kókirek úlken kisilerdiń ádeti bul. Mańǵystaýda áli kúnge shaldar yqylasy qulaǵan, úmit etken adamdardyń qolynan súıedi. Sol oqıǵa oryn alǵan jıynda men de boldym. Eshqandaı ersilik kóringen joq. Jıynda Elbasynyń ózi de júrekjardy sóz aıtqan, - deıdi aqyn.
Suhbattyń tolyq nusqasyn tómendegi silteme arqyly kóre alasyzdar:
"Adyrna" ulttyq portaly
