"بۇگىن تاڭعى ساعات 8-دە الاتاۋدىڭ باسىن مۇنار، باۋىرىن ءورت شالعان وسى قاسىرەتتى وقيعانىڭ قىرىق كۇندىگىنە بايلانىستى الماتى قالاسىنداعى ورتالىق مەشىتتە ارۋاقتارعا باعىشتاپ قۇران وقىلىپ، ەلدىڭ ەرتەڭى ءۇشىن تىلەك تىلەپ، جاراتقانعا سالاۋات ايتىلىپتى. شاھاردىڭ جاڭا باسشىسى ەربولات دوساەۆ قىرىق كۇندىككە ارناپ ارۋاقتاردىڭ رۋحىنا قۇران باعىشتاپ، تىرىلەردىڭ تىرشىلىگى ءۇشىن قۇربان شالىپتى، نيەت قابىل بولسىن! سۇراعان تىلەكتەر مەن كوتەرىلگەن بىلەكتەرگە ەل اعالارى، كورنەكتى تۇلعالار - نۇرلان ورازالين، سماعۇل ەلۋباي، راحمان الشانوۆ باتا بەرىپتى. الگىندە الماتىداعى ارداقتى اعامىز نۇرلان مىرقاسىمۇلىنا حابارلاسىپ، امانداسقاندا وسىنداي يماندىلىقتىڭ ىزگى امالدارى جاسالعانىن ايتتى. "قۇدايسىز قۋراي سىنبايدى" دەيدى. قيىن ۋاقىتتا قالا باسشىلىعىنا كەلگەن ازاماتتىڭ ەلگە كوڭىل-قوش ءبىلدىرىپ، ارۋاقتارعا تاعزىم جاساعانى عوي" دەدى. جاپپار يەمىز ەل-حالىقتىڭ، ءتاسپى تارتقان تاقۋالاردىڭ تىلەك-نيەتتەرىن قابىل قىلعاي! ازاتتىقتىڭ بەسىگى سانالعان اڭىز، ابىز الماتىمىزدىڭ جاڭعىرعان، تۇلەگەن ساتتەرىنە كۋا قىلسىن، جاراتقان!", - دەپ جازدى جاناربەك ءاشىمجان.
ايتا كەتسەك، بۇگىن تاڭەرتەڭ مەملەكەت باسشىسى قاسىم-جومارت توقاەۆ حازىرەت سۇلتان مەشىتىنە بارىپ، قاڭتار وقيعالارى كەزىندە قايتىس بولعان ازاماتتاردىڭ رۋحىنا قۇران باعىشتاۋ راسىمىنە قاتىسىپ، حالىققا ۇندەۋ جولداعان بولاتىن.
"ادىرنا" ۇلتتىق پورتالى
