"Búgin tańǵy saǵat 8-de Alataýdyń basyn munar, baýyryn órt shalǵan osy qasiretti oqıǵanyń Qyryq kúndigine baılanysty Almaty qalasyndaǵy Ortalyq meshitte árýaqtarǵa baǵyshtap Quran oqylyp, eldiń erteńi úshin tilek tilep, Jaratqanǵa salaýat aıtylypty. Shahardyń jańa basshysy Erbolat Dosaev Qyryq kúndikke arnap árýaqtardyń rýhyna Quran baǵyshtap, tirilerdiń tirshiligi úshin qurban shalypty, nıet qabyl bolsyn! Suraǵan tilekter men kóterilgen bilekterge el Aǵalary, kórnekti tulǵalar - Nurlan Orazalın, Smaǵul Elýbaı, Rahman Alshanov bata beripti. Álginde Almatydaǵy ardaqty aǵamyz Nurlan Myrqasymulyna habarlasyp, amandasqanda osyndaı ımandylyqtyń izgi amaldary jasalǵanyn aıtty. "Qudaısyz qýraı synbaıdy" deıdi. Qıyn ýaqytta qala basshylyǵyna kelgen Azamattyń elge kóńil-qosh bildirip, arýaqtarǵa taǵzym jasaǵany ǵoı" dedi. Jappar Iemiz el-halyqtyń, táspi tartqan taqýalardyń tilek-nıetterin qabyl qylǵaı! Azattyqtyń besigi sanalǵan ańyz, abyz Almatymyzdyń jańǵyrǵan, túlegen sátterine kýá qylsyn, Jaratqan!", - dep jazdy Janarbek Áshimjan.
Aıta ketsek, búgin tańerteń Memleket basshysy Qasym-Jomart Toqaev Haziret Sultan meshitine baryp, qańtar oqıǵalary kezinde qaıtys bolǵan azamattardyń rýhyna quran baǵyshtaý rásimine qatysyp, halyqqa úndeý joldaǵan bolatyn.
"Adyrna" ulttyq portaly
