الماتى وبلىسى الاكول اۋدانىندا 5 ساۋىردە بولعان داۋىل جەرگىلىكتى تۇرعىنداردى شوشىتتى. الاكول اۋدانىنداعى كوكتۇما اۋلىنىڭ تۇرعىندارى سۋدىڭ قاتتى شايقالعانىن ايتادى.
بۇل تۋرالى ۆaq.kz Tengrinews.kz سايتىنا سىلتەمە جاساپ حابارلادى. اينۇر قۇنانباەۆا اتتى جەرگىلىكتى تۇرعىن وتباسى ءۇشىن الاڭداعان. «مەن ءوزىم دوستىقتا ءجۇرمىن (ستانتسيا — اۆتور.), جۇمىسىم سوندا. كوكتۇما اۋىلىندا انام، ءىنىم تۇرادى. تۋعان-تۋىسقاندارىمنىڭ ءبارى سوندا. كەشە قۇربىم WhatsApp ارقىلى جىبەردى. پويىزبەن دوستىققا كەلگەن اۋىلداستارىمىز جەلدىڭ تاڭنان باستاپ سوعا باستاعانىن ايتتى. جەل كەشكى تورتتەن كەيىن بىراق سايابىرلاپتى»، — دەيدى اينۇر قۇنانباەۆا.
سونىمەن قاتار، WhatsApp مەسسەندجەرى ارقىلى اۋدارىلىپ قالعان جۇك كولىگىنىڭ ۆيدەوسى تارالىپ جاتىر. ۆيدەودا ەر ادام كولىكتىڭ جەلدەن توڭكەرىلىپ قالعانىن ايتادى. الايدا الاكول اۋدانى اكىمدىگىنىڭ رەسمي مالىمەتى بويىنشا، كولىك جەل سالدارىنان اۋدارىلماعان، ويتكەنى ول اۋماقتا جەلدىڭ كۇشى قالىپتان تىس بولمادى.
ال «قازگيدرومەت» رمك وكىلدەرىنىڭ حابارلاۋىنشا، 2018 جىلدىڭ 5 ساۋىرىندە الماتى وبلىسىندا جەلدىڭ كۇشى سەكۋندىنا 23 مەتر جىلدامدىقپەن سوققان. 5 ساۋىردە ساعات 12:00 شاماسىندا جالاڭاشكول مەتەوستانتسياسى ماڭىندا جەل جىلدامدىعى سەكۋندىنا 38 مەترگە دەيىن جەتكەن. جوڭعار قاقپاسىنا مۇنداي جەل ءتان ەكەن، ويتكەنى بۇل انومالدى ايماق بولىپ ەسەپتەلەدى. بۇل ايماقتا قازاقستان بويىنشا ەڭ كۇشتى جەل سوعادى.
سينوپتيكتەر بولجام جاساعاندا الاكول اۋماعىن بولەك بەلگىلەيدى، قازان اينىڭ ورتاسىنان ءساۋىردىڭ ورتاسىنا دەيىن مۇندا — جەل «ماۋسىمى».
jasqazaq.kz
