Almaty oblysy Alakól aýdanynda 5 sáýirde bolǵan daýyl jergilikti turǵyndardy shoshytty. Alakól aýdanyndaǵy Kóktuma aýlynyń turǵyndary sýdyń qatty shaıqalǵanyn aıtady.
Bul týraly Vaq.kz Tengrinews.kz saıtyna silteme jasap habarlady. Aınur Qunanbaeva atty jergilikti turǵyn otbasy úshin alańdaǵan. «Men ózim Dostyqta júrmin (stanııa — avtor.), jumysym sonda. Kóktuma aýylynda anam, inim turady. Týǵan-týysqandarymnyń bári sonda. Keshe qurbym WhatsApp arqyly jiberdi. Poıyzben Dostyqqa kelgen aýyldastarymyz jeldiń tańnan bastap soǵa bastaǵanyn aıtty. Jel keshki tórtten keıin biraq saıabyrlapty», — deıdi Aınur Qunanbaeva.
Sonymen qatar, WhatsApp messendjeri arqyly aýdarylyp qalǵan júk kóliginiń vıdeosy taralyp jatyr. Vıdeoda er adam kóliktiń jelden tóńkerilip qalǵanyn aıtady. Alaıda Alakól aýdany ákimdiginiń resmı málimeti boıynsha, kólik jel saldarynan aýdarylmaǵan, óıtkeni ol aýmaqta jeldiń kúshi qalyptan tys bolmady.
Al «Qazgıdromet» RMK ókilderiniń habarlaýynsha, 2018 jyldyń 5 sáýirinde Almaty oblysynda jeldiń kúshi sekýndyna 23 metr jyldamdyqpen soqqan. 5 sáýirde saǵat 12:00 shamasynda Jalańashkól meteostanııasy mańynda jel jyldamdyǵy sekýndyna 38 metrge deıin jetken. Jońǵar qaqpasyna mundaı jel tán eken, óıtkeni bul anomaldy aımaq bolyp esepteledi. Bul aımaqta Qazaqstan boıynsha eń kúshti jel soǵady.
Sınoptıkter boljam jasaǵanda Alakól aýmaǵyn bólek belgileıdi, qazan aınyń ortasynan sáýirdiń ortasyna deıin munda — jel «maýsymy».
jasqazaq.kz
