بۇگىندە مەگاپوليستەگى 81 ەلدىمەكەننىڭ 78-ءى ساپالى اۋىز سۋمەن قامتاماسىز ەتىلسە، 3 ەلدىمەكەن سۋدى كەستەمەن (قۇرساي، سايرام، قايناربۇلاق) تۇتىنۋدا. وتكەن جىلى تاسىمالدى سۋ ىشەتىن 7 ەلدىمەكەننىڭ ماسەلەسى تولىعىمەن شەشىلدى.
بۇل جىلى 4 نىساننىڭ (قۇرساي 1,2 – كەزەك، اسار-2 2كەزەك، نۇرتاس ۆس) قۇرىلىس جۇمىستارى جۇرگىزىلىپ، جىل سوڭىندا 11 مىڭنان استام قۇرسايلىق ساپالى اۋىز سۋعا قول جەتكىزەدى.
ودان بولەك، بيىلعا ەڭبەكشى اۋدانىنداعى جاڭا قۇرىلىس اۋماقتارى مەن تەكەسۋ ەلدىمەكەنىنىڭ ىشكى جۇيەلەرىن قايتا قۇرۋ جۇمىستارىن جۇرگىزۋ قارالعان. ناتيجەسىندە قالانىڭ اۋىز سۋمەن قامتىلۋ كورسەتكىشى 98-دەن 99 پايىزعا وسەدى.
ال، سايرام مەن قايناربۇلاقتا قۇرىلىس جۇمىستارى بيىل باستالىپ، كەلەر جىلى تولىعىمەن اياقتالادى. ناتيجەسىندە اۋىز سۋمەن قامتاماسىز ەتۋدەگى 100 پايىزدىق كورسەتكىش ورىندالادى.
شىمكەنت قالاسى اكىمدىگىنىڭ ءباسپاسوز قىزمەتى
