Búginde megapolıstegi 81 eldimekenniń 78-i sapaly aýyz sýmen qamtamasyz etilse, 3 eldimeken sýdy kestemen (Qursaı, Saıram, Qaınarbulaq) tutynýda. Ótken jyly tasymaldy sý ishetin 7 eldimekenniń máselesi tolyǵymen sheshildi.
Bul jyly 4 nysannyń (Qursaı 1,2 – kezek, Asar-2 2kezek, Nurtas VS) qurylys jumystary júrgizilip, jyl sońynda 11 myńnan astam qursaılyq sapaly aýyz sýǵa qol jetkizedi.
Odan bólek, bıylǵa Eńbekshi aýdanyndaǵy jańa qurylys aýmaqtary men Tekesý eldimekeniniń ishki júıelerin qaıta qurý jumystaryn júrgizý qaralǵan. Nátıjesinde qalanyń aýyz sýmen qamtylý kórsetkishi 98-den 99 paıyzǵa ósedi.
Al, Saıram men Qaınarbulaqta qurylys jumystary bıyl bastalyp, keler jyly tolyǵymen aıaqtalady. Nátıjesinde aýyz sýmen qamtamasyz etýdegi 100 paıyzdyq kórsetkish oryndalady.
Shymkent qalasy ákimdiginiń baspasóz qyzmeti
