شىمكەنت قالاسىنىڭ كوشەلەرىن تۇنگى جارىقشامدارمەن قامتاماسىز ەتۋ ماقساتىندا «شىمكەنت قالاسىنىڭ جارىقتاندىرۋدىڭ قۇرىلىسىن سالۋ، قايتا قۇرۋ جانە پايدالانۋ» جوباسى ىسكە اسىرىلۋدا. بۇل كەشكى مەزگىلدە قالا قاۋىپسىزدىگى مەن كوركىنە وڭ سەپتىگىن تيگىزبەك. جارىقشامدار الدىمەن مەكتەپ، اۋرۋحانا سەكىلدى الەۋمەتتىك نىساندار ورنالاسقان ورتالىق كوشەلەرگە قويىلادى.
وتكەن جىلى مەملەكەتتىك- جەكەشەلىك ارىپتەستىك اياسىندا 104 كوشە جارىقتاندىرىلدى. ناتيجەسىندە مەگاپوليستەگى ورتالىق ماڭىزى بار جارىقتاندىرىلعان كوشە سانى 324-كە جەتتى. قامتۋ كورسەتكىشى 30 %- دان 43,4 %– عا ءوستى.
جالپى مەملەكەتتىك- جەكەشەلىك ارىپتەستىك اياسىندا (گچپ) 2021–2023 جىلدارى 312 كوشە جارىقتاندىرىلادى دەپ جوسپارلانعان. بيىل 102 كوشە، اتاپ ايتقاندا اباي اۋدانى - 29 كوشە، ءال-فارابي اۋدانى - 17 كوشە، ەڭبەكشى اۋدانى - 29 كوشە، قاراتاۋ اۋدانى – 27 كوشە جارىقتاندىرىلماق.
2023 جىلى 106 كوشە جارىقتاندىرىلىپ، كورسەتكىش 70 %-عا جەتەتىن بولادى. 2025 جىلى 100 پايىزدىق كورسەتكىشكە قول جەتكىزۋ مەجەلەنگەن.
شىمكەنت قالاسى اكىمدىگىنىڭ ءباسپاسوز قىزمەتى
