Shymkent qalasynyń kóshelerin túngi jaryqshamdarmen qamtamasyz etý maqsatynda «Shymkent qalasynyń jaryqtandyrýdyń qurylysyn salý, qaıta qurý jáne paıdalaný» jobasy iske asyrylýda. Bul keshki mezgilde qala qaýipsizdigi men kórkine oń septigin tıgizbek. Jaryqshamdar aldymen mektep, aýrýhana sekildi áleýmettik nysandar ornalasqan ortalyq kóshelerge qoıylady.
Ótken jyly memlekettik- jekeshelik áriptestik aıasynda 104 kóshe jaryqtandyryldy. Nátıjesinde megapolıstegi ortalyq mańyzy bar jaryqtandyrylǵan kóshe sany 324-ke jetti. Qamtý kórsetkishi 30 %- dan 43,4 %– ǵa ósti.
Jalpy memlekettik- jekeshelik áriptestik aıasynda (GChP) 2021–2023 jyldary 312 kóshe jaryqtandyrylady dep josparlanǵan. Bıyl 102 kóshe, atap aıtqanda Abaı aýdany - 29 kóshe, Ál-Farabı aýdany - 17 kóshe, Eńbekshi aýdany - 29 kóshe, Qarataý aýdany – 27 kóshe jaryqtandyrylmaq.
2023 jyly 106 kóshe jaryqtandyrylyp, kórsetkish 70 %-ǵa jetetin bolady. 2025 jyly 100 paıyzdyq kórsetkishke qol jetkizý mejelengen.
Shymkent qalasy ákimdiginiń baspasóz qyzmeti
