Şymkent qalasynyŋ köşelerın tüngı jaryqşamdarmen qamtamasyz etu maqsatynda «Şymkent qalasynyŋ jaryqtandyrudyŋ qūrylysyn salu, qaita qūru jäne paidalanu» jobasy ıske asyryluda. Būl keşkı mezgılde qala qauıpsızdıgı men körkıne oŋ septıgın tigızbek. Jaryqşamdar aldymen mektep, auruhana sekıldı äleumettık nysandar ornalasqan ortalyq köşelerge qoiylady.
Ötken jyly memlekettık- jekeşelık ärıptestık aiasynda 104 köşe jaryqtandyryldy. Nätijesınde megapolistegı ortalyq maŋyzy bar jaryqtandyrylǧan köşe sany 324-ke jettı. Qamtu körsetkışı 30 %- dan 43,4 %– ǧa östı.
Jalpy memlekettık- jekeşelık ärıptestık aiasynda (GChP) 2021–2023 jyldary 312 köşe jaryqtandyrylady dep josparlanǧan. Biyl 102 köşe, atap aitqanda Abai audany - 29 köşe, Äl-Farabi audany - 17 köşe, Eŋbekşı audany - 29 köşe, Qaratau audany – 27 köşe jaryqtandyrylmaq.
2023 jyly 106 köşe jaryqtandyrylyp, körsetkış 70 %-ǧa jetetın bolady. 2025 jyly 100 paiyzdyq körsetkışke qol jetkızu mejelengen.
Şymkent qalasy äkımdıgınıŋ baspasöz qyzmetı
