بۇگىن قالا اكىمى مۇرات ايتەنوۆ جەكە ينۆەستوردىڭ قاتىسۋىمەن سالىنىپ جاتقان 575 ورىندىق «جاس دارىن-3» جانە 300 ورىنعا شاقتالعان «جاس دارىن-4» مەكتەبىنىڭ قۇرىلىسىمەن تانىستى. جاڭا وقۋ جىلىندا پايدالانۋعا بەرىلەتىن ءبىلىم ۇيالارى 3 جانە 4 قاباتتى.
اكىم اتالعان جەكەمەنشىك مەكتەپتەرگە ءبىلىم باسقارماسىمەن بىرلەسە وتىرىپ بىلىكتى ۇستازدار ۇجىمىن جاساقتاۋدى جانە بالالاردىڭ ىڭعايلى ءبىلىم الۋ ءۇشىن بارلىق تالاپتاردىڭ ساقتالۋىن قاداعالاۋدى ايتتى. سونىمەن بىرگە قۇرىلىستىڭ ساپاسىنا جانە ادام ءومىرىنىڭ قاۋىپسىزدىگىنە باقىلاۋ قاشان دا نازاردان تۇسپەۋ كەرەكتىگىن ەسكەرتتى.
بۇل مەكتەپتەرگە دە جان باسىنا قارجىلاندىرۋ ارقىلى مەملەكەت ءار وقۋشى ءۇشىن قارجى تولەيتىن بولادى. ءبىلىم مەكەمەلەرىندە ساباقتان سوڭ وقۋشىلاردىڭ جەكە قىزىعۋشىلىعى بويىنشا دامۋىنا مۇمكىندىك بەرەتىن ءتۇرلى سپورتتىق سەكتسيالار مەن شىعارماشىلىق ۇيىرمەلەر جۇمىس جاسايتىن بولادى.
شىمكەنت قالاسى اكىمدىگىنىڭ ءباسپاسوز قىزمەتى
