Búgin qala ákimi Murat Áıtenov jeke ınvestordyń qatysýymen salynyp jatqan 575 oryndyq «Jas Daryn-3» jáne 300 orynǵa shaqtalǵan «Jas Daryn-4» mektebiniń qurylysymen tanysty. Jańa oqý jylynda paıdalanýǵa beriletin bilim uıalary 3 jáne 4 qabatty.
Ákim atalǵan jekemenshik mektepterge bilim basqarmasymen birlese otyryp bilikti ustazdar ujymyn jasaqtaýdy jáne balalardyń yńǵaıly bilim alý úshin barlyq talaptardyń saqtalýyn qadaǵalaýdy aıtty. Sonymen birge qurylystyń sapasyna jáne adam ómiriniń qaýipsizdigine baqylaý qashan da nazardan túspeý kerektigin eskertti.
Bul mektepterge de jan basyna qarjylandyrý arqyly memleket ár oqýshy úshin qarjy tóleıtin bolady. Bilim mekemelerinde sabaqtan soń oqýshylardyń jeke qyzyǵýshylyǵy boıynsha damýyna múmkindik beretin túrli sporttyq sekııalar men shyǵarmashylyq úıirmeler jumys jasaıtyn bolady.
Shymkent qalasy ákimdiginiń baspasóz qyzmeti
